¿Machʼa-a te Diose?

Ta nameyix talel, te ants winiketik yichʼojik ta mukʼ bayal diosetik. Pero te Biblia ya yal te ay jtul Dios te «cʼax mucʼ xan a te bin utʼil te yantic diosetique» (2 Crónicas 2:5). ¿Machʼa-a te Dios-abi? ¿Bin yuʼun te jaʼ kʼax mukʼxan-a te bin-utʼil te yantik diosetike? Ta lección ini yame awil bin ya skʼan te Dios te yakuk anop ta stojole.

1. ¿Bin sbiil te Diose, sok bin-utʼil ya jnaʼtik te jaʼ ya skʼan te ya jnaʼbeytik te sbiile?

Jaʼnix te Dios te ya yalbotik te sbiile, jich ya yal: «¡Hoʼon Jehovahon, ha me te jbihile!» (kʼopona Isaías 42:5, 8). Te biilil Jehová talem ta kʼopil hebreo te yaniwan skʼan ya yal «jaʼ te Machʼa ya spas te bin ya skʼan yoʼtane». Te Jehová jaʼ ya skʼan te yakuk jnaʼtik te bin sbiile (Éxodo 3:15). ¿Bin-utʼil ya jnaʼtik te jich ya skʼane? Melel jaʼ la yakʼ ta tsʼibayel te sbiil kʼaxem ta 7 mil buelta ta Biblia.a Te sbiil te smelelil Dios «ta chʼulchan soc ta bahlumilal» jaʼ Jehová (Deuteronomio 4:39).

2. ¿Bin ya yal te Biblia ta swenta te Jehová?

Te ants winiketik ya yichʼik ta mukʼ bayal diosetik, pero te Biblia ya yal te jaʼnax smelelil Dios te Jehová. ¿Bin yuʼun? Melel te Jehová jaʼ te machʼa kʼax mukʼ yaʼtel, jaʼ te «Machʼa toyol» ay ta spamal te kʼinale (kʼopona Salmo 83:18). Jaʼ «Dios te spisil ya xhuʼ yuʼun», ya skʼan ya yal-abi te ay yuʼel yuʼun ya spas spisil te bin ya skʼan yoʼtane. Jaʼnix jich jaʼ Jpaswanej, jaʼ la spas «spisil bintic ay»: te chʼulchan sok spisil te bintik kuxajtik ta Balumilal (Apocalipsis 4:8, 11). Te Jehová sbajtelkʼinal ay stukel (Salmo 90:2).

3. Bayal bin-utʼil ya yichʼ biiltesel te Diose, pero jun-nax te sbiile

Te sbiil yaʼtel jtul ants winik ma pajaluk sok te mero sbiile, ¿bin yuʼun? Ilawilik te VIDEO sok albeyaik skʼoplal ini:

VIDEO: Bayal bitʼil ya yichʼ naʼbeyel sba, pero jun-nax te sbiile (0:41)

• Teme ay machʼa jaʼnax ya kalbeytik sbiil te yaʼtele, ¿bin yuʼun ma pajaluk sok te ya kalbeytik te mero sbiile?

Te Biblia ya yal te ya yichʼik ta mukʼ bayal diosetik sok ajwaliletik te ants winiketike. Kʼoponaik Salmo 136:1-3 sok albeyaik skʼoplal ini:

• ¿Machʼa-a te «Dios yuʼun te diosetic» sok te «Ajwalil yuʼun ajwaliletic»?

4. Te Jehová ya skʼan te yakuk anaʼbey te sbiil sok te yakuk atuuntese

VIDEO: ¿Aybal sbiil te Diose? (jmajkʼnax) (3:11)

• ¿Binwan yuʼun te Jehová ya skʼan te yakuk jnaʼtik te bin sbiile?

Te Jehová ya skʼan te ya jtuuntesbeytik te sbiile. Kʼoponaik Romanos 10:13 sok albeyaik skʼoplal ini:

• ¿Bin yuʼun ya skʼan ya jtuuntesbeytik sbiil te Dios te jaʼ Jehová?

• ¿Bin-utʼil ya awaʼiy aba te kʼalal ay machʼa ya yalbat te abiile?

• ¿Binwan-utʼil ya yaʼiy sba te Jehová te kʼalal ya atuuntesbey te sbiile?

5. Te Jehová ya skʼan ya yamigoinat

VIDEO: La jle te smelelil Diose (8:18)

• ¿Bin-utʼil koltayot te Soten te kʼalal la snaʼ bin sbiil te Diose?

Te kʼalal ay machʼa ya jkʼan ya jnaʼbeytik sbae, nail ya jojkʼoybeytik te sbiile. Kʼoponaik Santiago 4:8a sok albeyaik skʼoplal ini:

• ¿Bin ya skʼan Jehová te yakuk apase?

• ¿Yabal xnoptsajat ta stojol Dios teme ya anaʼbey te sbiil sok ya atuuntesbeye? ¿Bin yuʼun?

¿BINTIK LA JNOPTIK?

Te sbiil te smelelil Diose jaʼ Jehová. Te Dios ya skʼan te yakuk jnaʼtik bin sbiil sok te yakuk jtuuntestik swenta ya xnoptsajotik ta stojol.

¿Jilbal ta awoʼtan into?

• ¿Bin yuʼun ma pajaluk te Jehová sok te yantik diosetike?

• ¿Bin yuʼun ya skʼan ya jtuuntesbeytik sbiil te Diose?

• ¿Bin-utʼil ya jnaʼtik te jaʼ ya skʼan te Jehová te ya xnoptsajotik ta stojole?

YA XJUʼ YA ANOPXAN INI

Ilawil joʼchajp te bin ya yakʼ jnaʼtik te yuʼun-nix ay-a te Diose.

«¿Yuʼun-nixbal ay-a te Diose?» (Ay ta jw.org)

Nopa bin yuʼun ya kaltik te sbajtelkʼinal ay te Diose.

«¿Machʼa pasot yuʼun te Diose?» (Te J-ilkʼinal ta toyol, 1 yuʼun agosto 2014)

Nopa bin yuʼun ya skʼan ya jtuuntesbeytik te sbiil te Diose manchukme ma jnaʼtik bin-utʼil ya yichʼ alel-a.

«¿Machʼa-a te Jehová?» (Ay ta jw.org)

¿Aybal skʼoplal te bin sbiil ya kalbeytik te Diose? Nopa bin yuʼun ya kaltik te jun-nax te mero sbiil te Diose.

«¿Aybal cheʼoxeb sbiil te Diose?» (Ay ta jw.org)