Ghọghọ Vwẹ Evun rẹ Iphiẹrohọ Wẹn

Iphiẹrophiyọ pha kerẹ ọtan. (Hib. 6:19) Ọ nẹrhẹ avwanre sa yọnrọn esegbuyota rẹ avwanre gan ọke re de hirharoku odju rẹ ogiribo. (1 Tim. 1:​18, 19) Ogiribo na sa dia ofudjevwe romobọ, ekuakua rẹ akpeyeren ri ghwruru, ọga re sivwẹn jẹ o kpo-o, ughwu rẹ ohwo re vwo ẹguọnọ kpahen, yẹrẹ orọnvwọn ọfa rọ dia imuoshọ kẹ ọyọnregan rẹ avwanre.

Esegbuyota kugbe iphiẹrophiyọ nẹrhẹ avwanre mrẹ osa rẹ veri na fiotọ. (2 Kọr. 4:​16-18; Hib. 11:​13, 26, 27) Ọtiọyena, owenẹ iphiẹrophiyọ rẹ avwanre dia ọ rẹ odjuvwu yẹrẹ otọrakpọ na, avwanre nabọ bọn gan womarẹ e vwo roro kokodo kpahen ive rehẹ Ota rẹ Ọghẹnẹ. Ọke yena, siẹrẹ avwanre de hirharoku edavwini, kọ cha lọhọ ra vwọ sẹro rẹ aghọghọ rẹ avwanre.​—⁠1 Pita 1:​6, 7.

NI IVIDIO RẸ GHỌGHỌ VWEVUNRẸ IPHIẸROPHIYỌ NA, RERE WỌ KPAHENPHIYỌ ENỌ REHẸ OBOTỌ NA:

• Diesorọ Mosis vwọ dia omamọ rẹ udje ra sa vwẹrokere?

• Oghwa vọ yen te igbuyovwin rẹ orua?

• Uyovwinrota vọ yen wo rorori nẹ o fo kẹ Ẹga rẹ Orua?

• Mavọ yen iphiẹrophiyọ sa vwẹ ukẹcha kẹ wẹ vwo hirharoku edavwini vẹ uduefiogbere?

• Die wọ rhẹro rọyen vwẹ ọke rọ cha vwẹ obaro na?