Ru Ona Rẹ Aghwoghwo Wẹn Yovwin Phiyọ—Ra Vwọ Nuẹ

OBORESORỌ Ọ VWỌ GHANRE: Ihwo ra jẹreyọ na vẹ igegede efa na durhie kohwo kohwo nẹ ayen “da ame rẹ arhọ na ọphẹ.” (Ẹvwọ. 22:17) Ame nana mudiaphiyọ ọrhuẹrẹphiyotọ ri Jihova eje ro vwo sivwin ihworakpọ vwo nẹ abọ rẹ umwemwu vẹ ughwu. A ke sa vwẹ ukẹcha kẹ ihwo ri vwo ẹkuruemu sansan, ri ji nẹ ẹga sansan rhe, ofori nẹ e ghwoghwo “iyẹnrẹ esiri ri bẹdẹ na” kẹ ohwo ọvuọvo vwẹ idjerhe ro che vwo si ohwo na urhuru.—Ẹvwọ. 14:6.

OBO RE CHE RUO WAN:

• Sane uyovwinrota vẹ ẹkpo ri Baibol ro che te ẹwẹn rẹ ihwo rehẹ ekogho wẹn. Wọ sa sane ona rẹ ota eghwoghwo ọvo yẹrẹ orọnvwọn ro wian kẹ wẹ jovwo re. Iyovwinreta vẹ ẹkpo ri Baibol vọ yen a ma kerhọ kẹ? O vwo iyẹnrẹn ọvo rẹ ihwo ta ota kpahan mamọ? Ota vọ yen che si ọshare yẹrẹ aye urhuru?

• Reyọ uyeren vẹ ẹkuruemu rẹ ekogho wẹn vwọba ota wẹn.—2 Kọr. 6:3, 4

• Nabọ riẹn ẹbe vẹ ividio rehẹ Ekpeti rẹ Uyono avwanre wo se vwo vughe ọ rẹ wọ cha vwọ kẹ ohwo ro dje omavwerhovwẹn phia

• Danlodu rẹ ekuakua sansan vwẹ ejajẹ rẹ ihwo re dia ekogho wẹn

• Wene uyovwinrota wẹn o se vwo shephiyọ oborẹ ọrovwuwevwin na guọnọre. (1 Kọr. 9:19-23) Kerẹ udje, die wọ cha ta siẹrẹ wọ da riẹn nẹ ohwo ọvo rẹ ọrovwuwevwin na vwo ẹguọnọ kpahen ghwuru okrinọ na-a?

NI IVIDIO NA, RERE WỌ KPAHENPHIYỌ ENỌ NANA:

• Uyovwinrota vọ yen oghwoghwota na vwọ ton ota rọyen phiyọ?

• Die phia vwẹ akpeyeren rẹ ọrovwuwevwin na?

• Ẹkpo ri Baibol vọ yen me fo vwẹ ẹdia nana, kẹ diesorọ?

• Ewene vọ yen wo ruẹ vwẹ ona rẹ aghwoghwo wẹn rere o se vwo si ihwo rehẹ ekogho wẹn urhuru?