Ru Ona Rẹ Aghwoghwo Wẹn Yovwin Phiyọ—Aghwoghwo re Ruẹ Womarẹ Ikamẹra Yẹrẹ Ifonu re Phiẹ Phiyọ Anurhoro

OBORESORỌ Ọ VWỌ GHANRE: Nonẹna, ihwo buebun phiẹ ikamẹra yẹrẹ ifonu phiyọ anurhoro rayen fikirẹ ozighi vẹ ujiecho. Ọkiọvo, oshọ se mu avwanre re vwo ghwoghwo ota kẹ ihwo re mrẹ avwanre jẹ avwanre mrẹ aye-en. Iroroẹjẹ nana cha chọn avwanre uko vwo fiudugberi ghwoghwo ota kẹ ihwo womarẹ ikamẹra yẹrẹ ifonu re phiẹ phiyọ anurhoro.

OBO RE CHE RUO WAN:

• Vwo uruemu rẹ abavo. Ihwo buebun ri vwo ikamẹra yẹrẹ ifonu re phiẹ phiyọ anurhoro vwo owenvwe rẹ ayen vwo nene avwanre ta ota

• Karophiyọ nẹ wo de ghwe te egodo yẹrẹ anurhoro evo, orovwuwevwin na sa mrẹ wẹ ji nyo obo wọ ta womarẹ ikamẹra na tavwen wọ ke tobọ nyẹ.

• Ọrovwuwevwin na da kpahen kẹ wẹ, wọ me ta ota kẹ ikamẹra yẹrẹ ifonu ro phi phiyọ anurhoro na kerẹ ohwo ro mudia kẹrowẹ. Gba hwẹ wo je ta ota kirobo wọ ta ota notọvotọrhe. Ta obo wọ guọnọ ta jovwo ọ da dianẹ o rhie ẹchẹ kẹ wẹ. Ọ da dianẹ ikamẹra etiyin, wọ vwẹ opharo wẹn tamuo-o. Ọrovwuwevwin na rha kpahen kẹ wẹ-ẹ, wọ yanjẹ ovuẹ vwo-o.

• Ota rẹ ovwan na de kuphiyọ nu, karophiyọ ne Ọrovwuwevwin na je mrẹ wẹ, o ji nyo obo wọ ta.