Diesorọ Ihwo se Ruẹ Kuẹgbe Vwọrẹ Ufuoma-a?​—Die Yen Baibol na Tare?

Isun rẹ akpọ na vẹ ikoko ride buebun vwẹ akpọ na je sa ghwa ufuoma rhe akpọ na-a. Nonẹna, ifovwin rhe vọn asan eje vwọ vrẹ obo rọ hepha rhanvwẹ ọke re vwo phi Ofovwin rẹ Akpọeje II nu. Omarẹ ihwo oduima ivẹ, kọyen ẹkẹn ọvo rẹ ẹne rẹ akpọ na yen yerẹn vwẹ ekogho rẹ ifovwin tiọyena djobọte.

Diesorọ ihworakpọ cha sa ghwẹ ufuoma rhe akpọ na-a? Die yen Baibol na tare?

1. 1. Ihwo dje iruemu re nẹrhẹ ọ bẹn rẹ ayen vwo ru kugbe vwọrẹ ufuoma. Baibol na tarọ phiyotọ nẹ vwẹ ọke rẹ avwanre na, “ihwo che vwo ẹguọnọ rẹ oma rayen ọvo, che vwo ẹguọnọ rẹ igho, cha yonma, che phuoma, . . . cha fuevu-un, . . . ota rẹ ohwo ọfa cha ro aye-en, . . . che se sun oma raye-en, cha djoma, . . . che ru uyovwin gangan, che ni oma rhuarho.”​—2 Timoti 3:​2-4.

2. 2. Ababọ rẹ ukẹcha rẹ Ọmemama na Jihovaa Ọghẹnẹ, o vwo ohworakpọ vuọvo yẹrẹ ẹko rẹ ihwo ri vwo ẹgba rẹ ayen vwo si ebẹnbẹn rẹ ayen hirharokuẹ no-o. Baibol na djerephia nẹ “ohwo sa vwẹ ogangan rẹ omobọ rọye kpọ oma rọye vi-i.”​—Jerimaya 10:23.

3. 3. Idẹbono rọ dia Eshu, rọ je dia ohwo umwemwu rọ vọnre vẹ ẹgba na yen akpọ na ejobi hẹ obọ rọyen, ọyen re “phiẹn akpọ na ejobi.” (Ẹvwọphia 12:9) Ọ vwọ dianẹ “akpọ na eje hẹ obọ rẹ ohwo umwemwu na,” e che rhe rhiẹromrẹ ofovwin vẹ ozighi.​—1 Jọn 5:19.

Baibol na kẹ avwanre imuẹro nẹ Ọghẹnẹ yen cha ghwẹ ufuoma rhe, ọ dia ẹgbaẹdavwọn rẹ ihworakpọ-ọ.

• “Kidie me riẹn iroro ri mi vwo kẹ ovwan, eriyin Ọrovwohwo tare, iroro re erhuvwu ọ dia ọ rẹ umiovwo me cha vwọ kẹ ovwan vwẹ ọke rọ cha vẹ iphiẹrohọ.”​—Jerimaya 29:11.

Mavọ yen Ọghẹnẹ che vwo ru ive yena gba? “Ọghẹnẹ rọ kẹ ohwo ufuoma na [che] . . . chiyin Eshu muotọ.” (Rom 16:20) Ọghẹnẹ cha reyọ usuon rẹ obodjuvwu ri Baibol na seri “Uvie rẹ Ọghẹnẹ,” vwọ ghwa ufuoma rhe akpọneje. (Luk 4:43) Ọke rẹ Jesu Kristi rọ dia Ovie rẹ Uvie yena che vwo sun akpọ na, ihwo cha dia kugbe vwọrẹ ufuoma.​—Aizaya 9:​6, 7.

• Wọ da guọnọ evuẹ efa, se uyovwinrota na “What Will God’s Kingdom Accomplish?”