UYONO 18
Mavọ Yen E se Vwo Vughe Inenikristi rẹ Uyota
Ihwo buebun djomaphia nẹ ayen Inenikristi. Ẹkẹvuọvo, oborẹ ayen segbuyota fẹnẹre, ayen ji yerẹn akpọ nene iwan ri Baibol vuọvo-o. Ọtiọyena, mavọ yen e se vwo vughe Inenikristi rẹ uyota?
1. Ono yen Onenikristi?
Inenikristi eyen idibo yẹrẹ ihwo ri nene Jesu Kristi. Baibol na tare nẹ, “Antiọk yen asan rẹsosuọ re de ke se idibo na Inenikristi.” (Iruo Rẹ Iyinkọn Na 11:26, NW.) Mavọ yen ayen vwo djephia nẹ ayen idibo ri Jesu? Ọ da ta: “Wo de phi obọ phihọ ota mẹ vwẹ ọ rẹ uyota ovwan ke dia idibo mẹ.” (Jọn 8:31) Ọnana mudiaphiyọ nẹ Inenikristi rẹ uyota che ru nene iyono ri Jesu. Kirobo rẹ Jesu mu iyono rọyen kpahen Baibol na, Inenikristi rẹ uyota mu iyono rayen kpahen Baibol na.—Se Luk 24:27.
2. Mavọ yen Inenikristi rẹ uyota wan dje ẹguọnọ phia?
Jesu da vuẹ idibo rọyen: “Ovwan guọnọ ohwohwo kirobo re me guọnọ ovwan.” (Jọn 15:12) Mavọ yen Jesu vwo djephia nẹ o vwo ẹguọnọ rayen? O nene ayen ghwọrọ ọke kugbe, o bru ayen uche, ọ je chọn ayen uko. Ọ tobọ ghwu kẹ ayen. (1 Jọn 3:16) Vwẹ idjerhe vuọvo na, ọ dia ẹbẹrunu yen Inenikristi rẹ uyota vwo dje ẹguọnọ phia-a. Eta vẹ iruemu yen ayen vwo dje ẹguọnọ kẹ ohwohwo.
3. Owian vọ yen Inenikristi muomaphiyọ ruẹ?
Jesu vwẹ owian vwọ kẹ idibo rọyen nẹ “ayen re ghwoghwo uvie rẹ Ọghẹnẹ.” (Luk 9:2) Ọ dia asan rẹ Inenikristi rẹsosuọ da ga ẹga ọvo yen ayen de ghwoghwo-o, ayen ji ghwoghwo vwẹ azagba vẹ iwevwin rẹ ihwo. (Se Iruo Rẹ Iyinkọn Na 5:42; 17:17.) Nonẹna, Inenikristi rẹ uyota vuẹ ihwo efa kpahen uyota rehẹ Baibol na vwẹ kasan kasan. Ayen vwo ẹguọnọ rẹ irivẹ rayen, eriyina kẹ ayen nabọ reyọ ọke vẹ ẹgba rayen vwọ vuẹ ayen kpahen ovuẹ rọ kẹ ohwo uchebro vẹ iphiẹrophiyọ.—Mak 12:31.
HIẸ KODO
Yono kpahen oboresorọ Inenikristi rẹ uyota vwọ fẹnẹ ihwo re yan nene iyono vẹ udje ri Jesu-u.
4. Ayen hiẹ guọnọ uyota rehẹ Baibol na
Inenikristi rẹ ẹgbukpe ujorin rẹsosuọ vwẹ ẹro ọghanghanre vwo ni Ota rẹ Ọghẹnẹ
Ọ dia Inenikristi eje yen vwẹ ẹro ọghanghanre vwo ni uyota rehẹ Baibol na-a. Hworo IVIDIO na, ovwan ta ota kpahen onọ ro nenire.
Mavọ yen ishọshi evo ri se oma rayen Inenikristi vwọ dia eshegberudio vwọ kẹ ihwo re guọnọ yono kpahen Jesu?
Uyota ro nẹ Baibol na rhe yen Jesu yonori. Se Jọn 18:37, ovwan ta ota kpahen onọ nana:
Kirobo rẹ Jesu tare, mavọ yen avwanre se vwo vughe Inenikristi “rẹ uyota na”?
5. Ayen ghwoghwo uyota rehẹ Baibol na
Inenikristi rẹ ẹgbukpe ujorin rẹsosuọ ghwoghwo kẹ ihwo efa
Tavwen Jesu ki kpo odjuvwu, ọ vwẹ owian vwọ kẹ idibo rọyen, rọ dia owian rẹ ayen je wian ri te ọke nana. Se Matiu 28:19, 20 kugbe Iruo Rẹ Iyinkọn Na 1:8, ovwan ta ota kpahen onọ nana:
Mavọ yen e che ruiruo rẹ aghwoghwo na te?
6. Ayen ruẹ nene oborẹ ayen ghwoghwo
Die yen nẹrhẹ ọshare ọvo re se Tom vwo imuẹro nẹ ọ mrẹ ẹga rẹ uyota na re? Hworo IVIDIO na, ovwan ta ota kpahen enọ ri nenire.
Vwevunrẹ ividio na, diesorọ ofu rẹ ẹga vwo dje Tom?
Die yen kẹrẹ imuẹro nẹ ọ mrẹ uyota na vughe re?
Oborẹ ohwo ruẹ ghanre vrẹ eta. Se Matiu 7:21, ovwan ta ota kpahen onọ nana:
Die yen ma ghanre kẹ Jesu, obo ra tare nẹ e vwo imuẹro kpahen gbanẹ obo ra vwẹ uruemu vwo djephia?
7. Ayen vwo ẹguọnọ rẹ ohwohwo
Inenikristi rẹ ẹgbukpe ujorin rẹsosuọ vwo ẹguọnọ rẹ ohwohwo
Inenikristi rẹ uyota ghini phi arhọ rayen phiyọ ẹdia rẹ imuoshọ fikirẹ ihwo ayen nene ga ẹga kuẹgbe? Hworo IVIDIO na, ovwan ta ota kpahen enọ ri nenire.
Vwevunrẹ ividio na, die yen mu Lloyd vwo phi arhọ rọyen phiyọ ẹdia rẹ imuoshọ fikirẹ Oniọvo Johansson?
Wo rorori nẹ o ghini ru kerẹ Onenikristi rẹ uyota?
Se Jọn 13:34, 35, ovwan ta ota kpahen enọ nana:
Ẹro vọ yen idibo ri Jesu (Inenikristi rẹ uyota) vwo ni ihwo rẹ ẹkuotọ yẹrẹ orho ọfa?
Mavọ yen ayen che vwo djephia vwẹ ọke rẹ ofovwin?
IHWO EVO TA: “Inenikristi ru emu imuoshọ jovwo re, ọtiọyena kẹ mavọ yen ayen sa vwọ dia ẹga rẹ uyota?”
Ẹkpo ri Baibol vọ yen wo se dje kẹ ohwo ro shekpahen obo re se vwo vughe ẹga rẹ uyota?
ỌDJẸKOKO
Inenikristi rẹ uyota nene iyono rehẹ Baibol na, dje ẹguọnọ rẹ omaevwoze phia, ji ghwoghwo uyota rehẹ Baibol na.
Ẹrhomafuẹrẹn
Die yen Inenikristi rẹ uyota mu esegbuyota rayen kpahen?
Mavọ yen e se vwo vughe Inenikristi rẹ uyota?
Owian vọ yen Inenikristi rẹ uyota ruẹ?
HIẸ GUỌNỌ
Yono kpobarophiyọ kpahen ẹko rẹ ihwo evo re davwẹngba rayen eje vwo nene udje vẹ iyono ri Jesu.
Ni oborẹ aye ọvo ro kpo ishọshi ri ifada jovwo vwọ mrẹ “ihwo ri ga Jihova vwọrẹ uyota.”
“Ayen Reyọ Baibol na Vwọ Kpahenphiyọ Enọ Mẹ Eje!” (Uwevwin Orhẹrẹ rẹ April 1, 2014)
Mrẹ oborẹ Inenikristi rẹ uyota se vwo dje ẹguọnọ kẹ ihwo re vẹ ayen gba ga ẹga re guọnọ ukẹcha.
Ukẹcha ra Vwọ kẹ Iniọvo na Vwẹ Ọke Oghworo—Ẹbẹre ra Reyọ Norhe (3:57)
Mrẹ oborẹ Inenikristi rẹ ẹgbukpe ujorin rẹsosuọ vẹ Inenikristi rẹ uyota re herọ nonẹna vwo ruẹ nene oborẹ Jesu tare nẹ e che vwo vughe idibo rọyen.
“Mavọ Yen E se Vwo Vughe Inenikristi rẹ Uyota?” (Uwevwin Orhẹrẹ ri March 1, 2012)