UYONO 52
Oboresorọ Irhuon vẹ Osẹnvwe rẹ Avwanre Vwọ Ghanre
Avwanre ohwo vuọvo vwo oka rẹ irhuon vẹ osẹnvwe ri je avwanre. E de nene odjekẹ ri Baibol evo re pha lọlọhọ, ke se brorhiẹn rọ cha nẹrhẹ oma vwerhen Jihova. E je roro kpahen evo vwẹ usun rẹ odjekẹ ri Baibol nana.
1. Odjekẹ ri Baibol vọ yen sa nẹrhẹ a riẹn oka rẹ irhuon vẹ osẹnvwe ra cha sẹn?
Ofori nẹ a “sẹ osẹvwe rẹ oma evwokpotọ vẹ iroro,” e mi ji kun iwun efuanfon phiyọ ri djerephia nẹ avwanre “segbuyota.” (1 Timoti 2:9, 10) Roro kpahen odjekẹ ẹne nana: (1) Iwun rẹ avwanre dia ọ rẹ “oma evwokpotọ.” Kirobo wo niso re vwẹ emẹvwa, ẹro sansan yen ihwo ri Jihova vwo ni emu, ẹkẹvuọvo iwun vẹ ẹto rẹ avwanre djephia nẹ avwanre muọghọ kẹ Ọghẹnẹ rẹ avwanre ga. (2) Iwun rẹ avwanre dia ọ rẹ abavo, ọnana mudiaphiyọ nẹ a cha kẹnoma kẹ iwun re kpare urhurusivwe rẹ ọfanrhiẹn, yẹrẹ e re nẹrhẹ ihwo tẹnroviẹ avwanre gan nọ. (3) Ofori nẹ e vwo iroro abavo womarẹ e vwo jẹ rhiabọreyọ koka koka rẹ osẹnvwe vẹ irhuon rẹ ihwo kuẹphiyọ. (4) Osẹnvwe rẹ avwanre che djephia nẹ e vwo ‘esegbuyota kpahen Ọghẹnẹ,’ ọnana cha nẹrhẹ ihwo efa riẹn nẹ Ọghẹnẹ rẹ uyota na yen avwanre ga.—1 Kọrẹnt 10:31.
2. Diesorọ e vwo roro kpahen iniọvo rẹ avwanre ọke ra da sanẹ iwun re che kuphiyọ?
Dede nẹ avwanre se brorhiẹn rẹ obo re che kuphiyọ, ofori nẹ e roro kpahen oborẹ oma che ru ihwo kpahen ayen. Avwanre guọnọ gbe ihwo ku-u, ukperẹ ọtiọyen, avwanre guọnọ “ru obo ri je ohwohwo fiki rẹ erhuvwu rọye, rere o vwo mudia gan.”—Se Rom 15:1, 2.
3. Mavọ yen osẹnvwe rẹ avwanre se vwo si ihwo rhe ukoko na?
Dede nẹ avwanre davwẹngba vwọ sẹn omamọ rẹ osẹnvwe ọkieje, jẹ oborẹ avwanre sẹn kpo uyono vẹ aghwoghwo na yen avwanre ma tẹnroviẹ. Avwanre guọnọ nẹ emu vuọvo mu ẹwẹn ihwo nẹ ovuẹ ọghanghanre re ghwoghwo na-a. Ukperẹ ọtiọyen, osẹnvwe rẹ avwanre sa nẹrhẹ uyota na si ihwo efa urhuru, o mi ji “mu ọghọ kẹ uyono rẹ Ọghẹnẹ Osivwi rẹ avwanre.”—Taitọs 2:10.
HIẸ KODO
Roro kpahen obo re sa nẹrhẹ e vwo imuẹro nẹ irhuon vẹ osẹnvwe rẹ avwanre cha nẹrhẹ ihwo mrẹvughe nẹ avwanre Inenikristi.
Osẹnvwe rẹ avwanre se djephia sẹ avwanre muọghọ kẹ ihwo ri vwo ogangan rẹ usuon. Dede nẹ Jihova mrẹ ubiudu na, ofori nẹ osẹnvwe rẹ avwanre djephia nẹ e muọghọ vwọ kẹ
4. Omamọ rẹ osẹnvwe muọghọ kẹ Jihova
Ọrhọ yen iroro rọ ma kenu rọ nẹrhẹ avwanre sẹn omamọ rẹ osẹnvwe? Se Une Rẹ Ejiro 47:2, ovwan ta ota kpahen enọ nana:
Oka rẹ osẹnvwe vọ yen avwanre cha sẹn rọ vwọ dianẹ avwanre mudia kẹ Jihova?
Wo rorori nẹ ọhọ herọ siẹrẹ e de roro kpahen iwun rẹ avwanre kuẹphiyọ kpo uyono vẹ aghwoghwo na? Kẹ, diesorọ yẹrẹ diesorọ o vwo jẹ dia ọtiọyen?
5. Obo wo se vwo bru omamọ rẹ orhiẹn kpahen irhuon vẹ osẹnvwe
Ofori nẹ iwun rẹ avwanre dia fuanfon, o mi ji shephiyọ vẹ asan rẹ avwanre hepha te ọ dianẹ e ghanre yẹrẹ i kuru. Se 1 Kọrẹnt 10:24 kugbe 1 Timoti 2:9, 10. Ovwan ta ota kpahen oboresorọ a vwọ kẹnoma kẹ iwun . . .
re rho gan nọ yẹrẹ re hanvwe gan nọ kugbe iwun ri fẹro-o.
iwun re tamuẹ oma, ri rhie oma phiyọ, yẹrẹ e re kpare urhurusivwe rẹ ọfanrhiẹn.
Dede nẹ Inenikristi hẹ otọ rẹ urhi ri Mosis na-a, jẹ o vwo oborẹ ayen se yono nẹ ẹro rẹ Jihova vwo ni emu. Se Urhi Rivẹ 22:5, ovwan ta ota kpahen onọ nana:
Diesorọ a vwọ kẹnoma kẹ iwun re nẹrhẹ ọshare họhọ aye yẹrẹ e re nẹrhẹ aye họhọ ọshare?
Se 1 Kọrẹnt 10:32, 33 kugbe 1 Jọn 2:15, 16, ovwan ta ota kpahen enọ nana:
Diesorọ avwanre vwọ riẹn sẹ osẹnvwe rẹ avwanre nẹrhẹ ophu mu ihwo evo vwẹ ekogho na yẹrẹ ukoko na?
Oka rẹ osẹnvwe vọ yen me titi vwẹ ekogho wẹn?
Wo rorori nẹ evo vwẹ usun rẹ osẹnvwe tiọyen se je fo vwọ kẹ Onenikristi? Kẹ, diesorọ yẹrẹ diesorọ o vwo jẹ dia ọtiọyen?
A sa sẹn osẹnvwe sansan ji ru obo re vwerhen Jihova oma
IHWO EVO TA: “Mi se ku obo ri jevwe eje phiyọ.”
Wọ rhọnvwephiyọ? Kẹ, diesorọ yẹrẹ diesorọ o vwo jẹ dia ọtiọyen?
ỌDJẸKOKO
E se djephia nẹ e muọghọ kẹ Jihova vẹ ihwo efa siẹrẹ a da sẹn omamọ rẹ osẹnvwe.
Ẹrhomafuẹrẹn
Diesorọ irhuon vẹ osẹnvwe rẹ avwanre vwọ ghanre kẹ Jihova?
Erhọ yen odjekẹ evo re sa chọn avwanre uko vwo bru omamọ rẹ orhiẹn kpahen osẹnvwe rẹ avwanre?
Mavọ yen irhuon rẹ avwanre se vwo wene ẹro rẹ ihwo efa vwo ni ẹga rẹ uyota?
HIẸ GUỌNỌ
Riẹn ẹro rẹ ihwo se vwo ni we siẹrẹ ayen da mrẹ osẹnvwe wẹn.
Yono kpahen oboresorọ o vwo fo nẹ wo roro kpahen itatu tavwen wo ki sio phiyoma.
“Die Yen Baibol na Ta Kpahen Itatu?” (Uyovwinrota rọhẹ jw.org)
Roro kpahen odjekẹ efa re sa nẹrhẹ e bru omamọ rẹ orhiẹn.
“Irhuon vẹ Osẹnvwe Wẹn Vwẹ Ujiri kẹ Ọghẹnẹ?” (Uwevwin Orhẹrẹ ri September 2016)
Mavọ yen aye ọvo sa vwọ vwẹ ẹro abavo vwo ni orhiẹn rẹ ihwo efa brẹ kpahen osẹnvwe?
“Irhuon vẹ Osẹnvwe Ọyen Eshegberudio Vwọ kẹ Vwẹ” (Awake!, December 22, 2003)