23 Мусо уларга: «Яҳова мана шундай деди: “Эртага бутунлай дам оласизлар, чунки Яҳовага аталган муқаддас Шаббат* бўлади+. Пиширадиган нарсангизни пишириб олинг, қайнатадиганингизни қайнатиб олинг+; ортиб қолганини кейинги кун эрталабгача олиб қўйинглар”,— деб айтди».

8 Шаббат куни муқаддас эканини ёдингизда тутинглар+. 9 Олти кун меҳнат қилиб, ишларингизни шу кунлар ичида бажаринглар+. 10 Аммо еттинчи кун Тангрингиз Яҳовага аталган Шаббат бўлади. На ўзингиз, на ўғилу қизингиз, на қулу чўрингиз, на уй ҳайвонингиз, на яшаш жойингиздаги мусофир ҳеч қандай иш қилмасин+.

13 «Сен Исроил ўғилларига бундай деб айт: “Менинг Шаббатларимга риоя қилинглар+. Чунки бу, Мен сизлар билан қилган аҳднинг белгиси бўлиб, сизларни муқаддас қилган Мен — Яҳова эканимни авлодларингиз оша сизларга билдириб туради.