• Забур 14:1–7
    Муқаддас Китоб — Янги дунё таржимаси

    • 14 Нодонлар ўз кўнглида:

      «Яҳова йўқ»+,— деб айтади.

      Уларнинг ишлари жирканч ва адолатсиздир,

      Яхшилик қиладиган ҳеч кимса йўқ+.

       2 Ақл-идрокли, Яҳовани излайдиган бирор киши бормикан дея,

      Яҳова самодан инсон ўғилларини кузатиб туради+.

       3 Уларнинг бари йўлдан озган+,

      Ҳаммаси бузилиб кетган.

      Яхшилик қиладиган ҳеч кимса йўқ,

      Ҳатто битта ҳам йўқ.

       4 Наҳотки жафокорларнинг ҳеч бири буни тушунмаса?!

      Улар халқимни нон егандай ютиб юборяпти.

      Улар Яҳовага ёлвормаяпти.

       5 Лекин уларни қаттиқ даҳшат қамраб олади+,

      Чунки Яҳова одилларнинг насли билан биргадир.

       6 Эй жафокорлар, сизлар бечоранинг режасини йўққа чиқармоқчисиз,

      Бироқ Яҳова унинг бошпанасидир+.

       7 Қанийди Исроилнинг нажоти Сиондан келса эди!+

      Яҳова халқини асирликдан қайтариб келганда,

      Ёқуб шод бўлсин, Исроил хурсандчилик қилсин!