Забур

79 Эй Худойим, халқлар мулкингга бостириб кириб+,

Муқаддас маъбадингни* булғади+.

Улар Қуддусни харобага айлантирди+.

 2 Хизматкорларинг жасадларини қушларга,

Садоқатли одамларинг этини йиртқич ҳайвонларга ем қилди+.

 3 Уларнинг қонини эса Қуддуснинг атрофига сувдек тўкди,

Жасадларини кўмадиган ҳеч ким қолмади+.

 4 Қўшниларимиз олдида иснодга қолдик+,

Атрофимиздагиларга масхара ва кулги бўлдик.

 6 Қаҳрингни Сени назар-писанд қилмайдиган халқларга,

Исмингни тилга олмайдиган шоҳликларга соч+.

 7 Чунки улар Ёқуб авлодларини йўқ қилиб,

Юртини эса харобага айлантирди+.

Бизга тезроқ раҳм-шафқат кўрсат+,

Зеро, биз ниҳоятда хўрландик.

 9 Эй, нажоткор Худойимиз+,

Улуғвор исминг ҳаққи бизга ёрдам бер.

Исминг ҳаққи бизни қутқариб, гуноҳларимизни кечир+.

Қулларингнинг тўкилган қони учун ўч олишингни халқларга маълум қил+.

Буни биз ҳам кўрайлик.

12 Эй Яҳова, қўшниларимиз Сени ҳақоратлагани учун+,

Уларга етти баравар қилиб қайтар+.

13 Шунда биз — Сенинг халқинг, яйловингдаги сурувинг+,

Сенга тоабад шукроналар келтирамиз.

Авлодлар оша Сенга ҳамду сано айтамиз+.