2 Rè

13 Eliseo el ga dito a Geazi: “Par favor, dighe a ela: ‘Ti te ghè laorà tanto par giutar noantri. Cossa che podemo far par ti? Vuto che ghe digo al rè o al paron del esèrsito qualche roba bona sora ti?’” Ma ela ghe ga rispondesto: “Mi stao ben, son de star in meso del me pòpolo.” 14 Cossita, Eliseu el ghe ga domandà: “Alora, cossa podemo far par ela?” Geazi el ghe ga dito: “Ela no la ga fioi, e so omo l’è belche vècio.” 16 Alora Eliseo el ghe ga dito: “Nel ano che vien, in questa època, te gavarè un fiol in brasso.” Ma la ga dito: “Nò me signor, no stà dir busie a la to serva, ò omo del vero Dio!” 22 Ela la ga ciamà el so omo e ghe ga dito: ”‏Par favor, mandame un par giutarme e un mul, e àssame ndar svelta catar el omo del vero Dio e dopo tornarò.”‏ 24 Alora la ga metesto la sela nel mul e la ga dito a quel che la giutea: “Va svelto e no stà restar indrio par causa de mi, sol se te ciamo.”