Daniel

8 Ma Daniel el ga dessidio nel so cuor che no’l deventaria impuro col magnar del rè o col vin che lu el bevea. Cossita, el ga domandà al prinsipal ofissial del rè che el gavaria caro de no magnar queste robe che lo assaria impuro. 9 E el vero Dio el ga fato che el prinsipal ofissial del rè el mostresse bontà e misericòrdia a Daniel. 10 Ma el prinsipal ofissial del rè el ghe ga dito a Daniel: “Go paura del me signor, el Rè, che el ga dessidio cossa che gavé de magnar e bever. E se lu el vede che valtri sì pi fiachi dei altri gióveni dela vostra età? Par causa vostra, mi gavaria la colpa davanti el rè.” 11 Ma Daniel el ga dito al guarda che el gavea ricevesto del prinsipal ofissial del rè el laoro de tender de Daniel, Anania, Misael e Asaria: 12 “Par piaser, fà una prova con noantri par diese giorni; podé darne verdure par magnar e àqua par bever.