Giona

4 Par quela Giona l’è restà tanto disgustà e inrabià. 2 Alora, lu el ga pregà a Geovà: “Ò Geovà, no l’era con questo che me preocupea quando mi ero nela me tera? Par quela, mi go proà scampar via par Tàrsis la prima volta. Mi savea che te sì un Dio de compassion, misericòrdia, passiensa e te sì pien de amor leal e che te resti tanto disgustà cola desgràssia. 3 Adesso, ò Geovà, finissi fora cola me vita, parché par mi l’è meio morir invesse che viver.” 6 Alora, Geovà Dio el ga fato che una pianta, un cabassero, la vegnesse su par far ombria par Giona e par farlo sentirse meio. E Giona l’è restà tanto contento con quela pianta. 10 Ma Geovà el ghe ga dito: “Te ga fato pecà la pianta, che no te la ghè impiantà gnanca te la ghè fata vegner su. La pianta la ze vegnesta su nte una note e la ze morta nte una note. 11 Alora, sarà che anca Nìnive, la granda cità, no gavaria de farme pecà? Lì, ghen’è de pi de 120.000 òmini che no i sa quel che l’è giusto e quel che l’è sbalià e lì ghen’è anca tante bèstie.