Luca

6 Nte nantro sabo, lu l’è ndà nela sinagoga e el ga scominsià a insegnar. Lì, ghen’era un omo che el gavea la man drita desgrassiada. 7 I studiosi dela Lege e i farisei i vardea Gesù con atension par veder se lu el curaria qualchedun nel sabo, parché i volea catar una scusa par dir che lu l’era drio far qualcossa de sbalià. 12 Nte un de quei giorni, lu l’è ndato al monte par pregar, e el ga pregà a Dio tuta la note. 13 Quando ga sciarà el di, el ga ciamà i so dissìpoli e ghen’à scoliesto 12. Li ga ciamadi de apòstoli. 17 Lu l’è ndato do con lori e el se ga fermà nte un posto piano. Lì, ghen’era tanti dissìpoli e una mùcia de gente dela Giudea e de Gerusalen, e dele region darente el mar de Tiro e Sìdon. Lori i era vegnesti par scoltarlo e par esser curadi dele so malatie. 18 Fin quei che i gavea spiriti impuri i era curadi. 19 E tuta quela gente volea tocarlo, parché vegnea fora poder de lu, e lu el curea tuti. 22 “Valtri saré felici sempre che i altri i ve òdia, i ve assa de banda, i parla robe brute sora valtri e i ve dise su, par causa del Fiol del omo. 23 Quando questo sucede, podé restar felici e saltar de contenti parché la vostra ricompensa la ze granda nel cielo, parché anca i so antenati i ga fato cossita coi profeti. 24 ”‏Ma guai de valtri che sì siori, parché gavé belche ricevesto tuto quel che volei. 25 ”‏Guai de valtri che pensé che gavé magnà che basta, parché patiré la fame. ”‏Guai de valtri che ridé, parché saré tanto tristi e ndaré piander. 26 ”‏Guai de valtri quando le persone le parla ben de valtri, parché anca i so antenati i ga parlà ben dei falsi profeti. 31 Anca, gavé de tratar i altri come volé esser tratadi. 32 “Se valtri amé quei che i ve ama, caté che merité qualcossa? Parché fin i pecadori i ama quei che i ga amor par lori. 33 E, se valtri fé el ben a quei che i fà el ben a valtri, caté che merité qualcossa? Fin i pecadori i fà cossita. 34 Anca, se valtri dé in préstio qualcossa a quei che i pol darve indrio, caté che merité qualcossa? Fin i pecadori i dà in préstio a altri pecadori, par gaver indrio la medèsima roba. 35 Pitosto, seité a amar i vostri nemighi, a far el ben e a dar in préstio sensa spetar gennte indrio. E Dio el vedarà una granda ricompensa, e valtri saré fioi del Altìssimo, parché lu l’è bon con quei che i no i ze grati e coi rugni. 36 Gavé de mostrar sempre misericòrdia come el vostro Pare el fà. 37 “E no sol questo, fermeve de giudicar, e nò saré giudicadi. E fermeve de condanar, e nò saré condanadi. Seité perdonar e saré perdonadi. 38 Seité dar, e ve sarà dato. I ve meterà nela piega dela vostra roba una bona mesura, socada do, sgorlada e che la va par sora. Parché la medèsima mesura che doperé coi altri, i va doperar con valtri.” 40 El studiante no l’è meio che el so maestro. Ma se ghe insegna ben, el sarà come el so maestro. 45 El omo bon el tira fora quel che l’è bon del bon tesoro del so cuor, ma el omo rugno el tira fora quel che l’è rugno del so tesoro rugno. Quel che la persona la parla el mostra tuto quel che la ga nel cuor.