Romani

16 Vui farve cognosser la nostra sorela Febe, che la ze una predicadora nela congregassion in Sencreia. 2 Gavé de riceverla pròpio ben, come i santi i ga de riceverla, in union col Signor, e darghe tuto el aiuto che la ga de bisogno, parché ela la ga protegesto a tanti, anca a mi. 3 Saludeme Prisca e Àchila, che i ze con mi nel laoro che Cristo Gesù el ne ga dato. 4 Lori i ga riscià el so pròpio col par mi e mi li ringràssio, nò sol mi, ma tute le congregassion dele nassion anca le ringràssia. 17 Fradei, adesso mi ve incoraio a star atenti a quei che i vol spartirve e farve strabucar con quel che el va contra quel che gavé imparà. Sté distante de lori. 18 Parché questi òmini no i ze schiavi del Cristo, nostro Signor. Invesse, lori i ze schiavi dele so voie. Lori i seita a imbroiar quei che no i ze mia furbi par meso de parole bele e lode. 20 Presto el Dio che dà pace el schissarà Sàtana soto i vostri pié. La maraveiosa bontà del nostro Signor Gesù la sìpia con valtri. 25 Quel che ve pol farve firmi de acordo cole bone notìssie che mi ve proclamo e cola predicassion sora Gesù Cristo, de acordo cola rivelassion del sacro segreto che l’è stà mantegnesto sconto par tanto tempo 27 che sìpia data la glòria a Dio, che sol lu l’è sàbio, par meso de Gesù Cristo par sempre. Amèn.