Rute

16 Ma Rute la ga dito: “No stà mia dirme nantra volta par abandonarte, par no ndar pi insieme de ti. Parché ndove ti te vè, mi vao, e ndove ti te vè dormir, mi vao dormir. El to pòpolo el sarà el me pòpolo e el to Dio el me Dio. 17 Ndove te vè morir, mi vao morir e lì sarò sepoltada. Te prometo che vao restar con ti fin la morte. E aceto un castigo ben forte de Dio se mi no fao mia come te go prometesto. 19 E lore due le ga viaià insieme fin che le ze rivade a Belen. Quando le ze rivade a Belen, tute le persone nela cità le ze restade sorprese, e le done le domandea: “Questa la ze Noemi?” 20 E ela la disea ale done: “No sté mia ciamarme de Noemi. Gavé de ciamarme de Mara, parché el Tuto Poderoso el ga fato la me vita deventar tanto amara. 21 Mi gavea tuto quando son ndata via, ma Geovà me ga fato ritornar sensa gnente. Parché me ciamé de Noemi, se Geovà l’è contra mi e el Tuto Poderoso el me ga fato patir tanto?” 22 L’è stato cossita che Noemi la ze tornada dela tera de Moabe insieme con Rute, la so nora moabita. Lore le ze rivade a Belen nel scomìnsio dela racolta dela sevada.