Cognóssito queste parte del libro Viver felice par sempre!?

Te piase dei vìdei e dele domande che ghen’è nel libro Viver felice par sempre!? E cossa càtito dele session Fursi te ghè belche scoltà, Vuto saver de pi? e Sfòrsate par . . .? Che altre robe pol giutarte quando te insegni la Bìblia a qualchedun? — Mat. 28:19, 20

Vìdei e artìcoli par leder e scoltar: Se te doperi el libro stampà par studiar la Bìblia con qualchedun, ghen’è una maniera fàcile che te pol catar i vìdei e i artìcoli de cada session. Nel to selular o nel to tablet, scoli una dele quatro session del libro. Nel final dela lista coi tìtoli dele lession, struca sora Vìdei e artìcoli par leder e scoltar. (Varda la stampa 1.)

“Edission stampada”: Quando te studi con qualchedun, te pol doperar el libro nel to selular o nel to tablet come se fusse la edission stampada. Questa version la pol giutarte a tegner ben in mente el tema dela lession intanto che valtri sì drio studiarla. Nel aplicativo, va rento la lession, struca nei tre puntini nela parte de sora dela pàgina e va in “Versão impressa”. Se te vol tornar ala version par la internet, struca nei tre puntini e va in “Versão digital”.

“Cossa che go de far?”: Questi quadri spiega cossa che la persona la ga de far par scominsiar a predicar insieme cola congregassion o batesarse. Te pol catarli darente del final del libro. (Varda la stampa 2.)

Par imparar de pi: In questa parte, ghen’è paràgrafi che spiega de pi sora arquanti assunti importanti. Nela version par la internet, ghen’è un link dopo de cada punto. Par tornar ala lession, struca nel link. (Varda la stampa 2.)