Aiuto par le done che le ze maltratade

L’è cossita che scomìnsia el artìcolo “Come giutar le done a sentirse sicure? — Cossa che la Bìblia la dise” nel jw.org. Se te vol, te pol sbassarlo come PDF nel fin dela pàgina, stamparlo e dopiarlo come se fusse un foieto. Una sorela dei Stati Unidi de nome Stacy la ga fato cossita. Ela la ga dito: “Mi go fato un per de còpie, e mi e nantra sorela le ghemo portade nte un posto che tende de done che le ze state maltratade.”

Una dona che la laorea in questo posto la ga domandà ala sorela se la podea portarghene nantri foieti par darghe a altre done. Cossita, le sorele le ga assà 40 de quei foieti e 30 cartoni de vìsita del site jw.org. Nantra volta che le sorele che le ze ndate là, quel che tendea del posto el ghe ga domandà de mostrar ale done come che l’è el stùdio dela Bìblia.

Stacy e altre due sorele le ze ndate anca a nantro posto che tende de done maltratade. Lore le ga assà sinque de questi foieti, e dopo le persone le ga domandà de portarghene altri. Una dona che laora in questo posto la ga dito: “Le done qua le ghe ocorea de questo foieto. Sicuro che el va giutarle tanto!” Nantra volta che le sorele le ze ndate là, lore le ga mostrà come che l’è un stùdio dela Bìblia. Due done le ga dito che ghe piaseria ndar nte una riunion nel pròssimo fin de stimana.

Stacy la ga dito: “L’è tanto bel de veder come le done le resta contente de leder questo bel artìcolo. Dopo che te lo stampi e te lo dopi, el resta un bel foieto par parlar sora el Regno de Dio cole done che le ze state maltratade. Me ga piasesto tanto de veder come queste done le ze restade contente de riceverlo. Semo premose de veder come Geovà el ndarà giutarne a seitar a portar le bone notìssie a queste done che ghe ocore de tanto consolo.”