LA BÌBLIA LA CÀMBIA LA VITA DELE PERSONE

Lori i ga catà la “pèrola de grando valor”

Gesù el ga insegnà che el Regno de Dio el ndarà finir fora con tuti i problemi dele persone. (Mateo 6:10) In Mateo 13:44-46, lu el ga contà due ilustrassion par mostrar el valor dela verità sora el Regno de Dio:

Stampe: I due òmini dele ilustrassion de Gesù. 1. Un omo el fà un buso in tera e el varda maraveià quel che el ga catà. 2. Nantro omo l’è contento che el ga una pèrola in man.

Un omo l’era drio laorar nte un campo e de colpo el ga catà un tesoro che l’era sconto.
Un omo che comprea e vendea l’era in serca de pèrole de bona qualità e el ga catà una pèrola de grando valor.

I due òmini i ze restadi tanto contenti che i ga vendesto tuto quel che i gavea par comprar el tesoro che i gavea catà. Questi òmini i ze come le persone che ghe dà valor al Regno e cossita le fà grandi sacrifissi par gaver le benedission. (Luca 18:29, 30) In questo vìdeo, varda la stòria de due persone che le ga fato compagno ai due òmini dele ilustrassion de Gesù.