Iyo podi ohudhera wodhela thima yokala muthu oororomeleya wodhela opendda ele Yesu awogiliye numoona Nataniyeli nlabo noobajha. Naarive ahimunonne Nataniyeli, Yesu ahiwoga egi: “Kamusugweni, Mwizarayelita ebaribari, ahinoota anna ofiya.” (Juwa. 1:47) Yesu ahoona wi Nataniyeli aali oothabwa ororomeleya. Teto ndala ninga iyo, Nataniyeli aali ohilogomana, mbwenye oliye kaali muthu oogwalamgwambi. Nataniyeli aali oororomeleya mwadhatedhene, teto Yesu ahitikina ni ekalelo yaye, bumwahaya adhe amuthethelege. Dhithu dhowinjhiva nnahowelihu werana dhinafwanyeya va Salmo 15 dhinawoga wodhela makalelo nnaweddihihu athu amodha. Va Salmo 15:3 vinawoga wi muleddo anaka muddammwani mwa Yehova ‘kanalabihedha nlumi naaye wi oote, kanamwerela obure mwanddamanaye, ni kanaanyemula akwaye.’ Iyo nawaba obe nawinkedha athu amodha, eyo podi wapiha mbani.— Tiya. 1:26. Namasugwera 06/24 epaddi 10 ddima 7, 9; epaddi 11 ddima 10

Wiwegeredha pama wahinathi odhowa mmalaleyelo, enere okala yokweya othapanya ni athu amodha. Yesu ahawegeredha anamahara aye ahinathi waruma wi yalaleye. (Luk. 10:1-11) Teto aliwa yahiparihedha mabasa dhithu dhaatedhene Yesu ahudhihiliye, bumwahaya aliwa yahihagalala vanlubale mwaha wa dhithu dhaatedhene yandiliwa werana. Nniwegeredhe aavi nihinathi odhowa mmalaleyelo? Nnohowela wubuwela dhithu nnafunihu owoga, wihina nande owoga ni murima wehu waatene, mudhidhi nathapanyaga ni mwanamurala. Teto sapama wubuwela dhithu biili obe tharu anamurala a murudda wawo enawogiwa wihina yugwadde wawogaga, wamala wegeredhe makalelo owawakula aliwa eyo yapadduwa. Vano nafiya wi nthapanye ni mwanamuralaya, iyo podi okala oopwaseyene, woniha emwerumweru ni okala owandaneyana. Namasugwera 04/24 epaddi 16 ddima 6-7

Ethu enlubale enanthukulela olaleya muthenga dhapama fudhivela ninnihuna ni Yehova vamodha ni ndina naaye noweela. Teto mabasa oolaleya, makalelo apama oomuthithimiha Mulugu ehu nnamudhivelihu, Yehova. Iyo nnorumedha ni murima wehu waatene madhu enasorihiwa ni dhopaddusa dhakopolo dhinafwanyeya odhulu dhinanvuwiha Yehova yegi: Yehova, Mulugu ehu, nyu difwanelele wakela nthithimiho, orihiwa ni kopolo wa aatene yale eli oororomeleya wa nyu. Iyo nnomuthithimiha ni nnomuriha Yehova nawaddelaga athu ebaribari enooniha wi oliye ‘ohupaddusa dhego dhatedhene’ ni wihina iyo niliwo mwaha Oliye onipaddusa. Teto iyo nnonvaha Yehova kopolo dhehu wodhela olabihedha mudhidhi wehu, dhokanna dhehu, vamodha ni kopolo dhehu dhaatedhene wihina naapare mabasa oolaleya mowiwanana ni ele nnandihu. (Mat. 6:33; Luk. 13:24; Kol. 3:23) Mogwaddela ethu enanithukulela waalaleya athu, fudhivela ninnihuna ni Yehova, teto mwaha nnafuna nawaddele athu ndina na Yehova ni dhikalelo dhaye. Namasugwera 05/24 epaddi 17 ddima 11