Moisesqa profeta, juez, ejercitopi umalliq iman karqan. Ñaupa tiempo kausaymantapas tiemponpi kausaymantapas allintan yachaq. Paymi Israel llaqtatapas Egiptomanta pusamurqan, payqa rikurqanmi Jehová Diospa imaymana milagro ruwasqantapas. Paywanmi Diosqa qelqachirqan ñaupaqpi pisqa librokunatapas. Paymi qelqarqan Salmos 90 capitulotapas. Yaqachus jina pay qelqanman karqan 91 capitulotapas. Paychus jina qelqanman karqan Job librotapas. Chhaynaqa Moisesqa imaymanapin allin experienciayoq karqan. Tiempowanmi Moisesqa manaraq wañupushaspa Israel runakunata juñurqan imakunatachus rikurqanku chayta yuyarichinanpaq. Chay tiempopaqqa 120 watanpin Moisesqa kasharqan. Paykunamanta wakinqarikurqankun imaynata Jehová Dios Egipto runakunata castigarqan chayta (Éx. 7:4). Rikurqankun imaynatas puka lamar-qochanta chimpamurqanku chayta, imaynas faraonpa ejercitonqa chinkachisqa karqan chaytapas (Éx. 14:​29-31). Ch’in ladopi kashaspapas rikurqankun imaynatas Diosqa paykunata cuidarqan chaytapas (Deut. 8:​3, 4). Chaykunata yuyarichinanpaqmi Moisesqa Israel runakunata juñurqan. Prometesqa jallp’aman jaykunankuña kashaqtinmi chayta ruwarqan. w24.11 8, 9 párrs. 3, 4

Señorpa cenan nisqapiqa apostolninkunawan Jesuspa rimasqanqa manan imapipas igualchu karqan Galileapi rimasqanwanqa. Galileapiqa askha runakunatan Jesusqa rimapayasharqan, llapa runakunapin payqa piensasharqan. Nimusqanchis jina Galilea ladopiqa, Jesusqa t’antata mañakuq judío runakunatan rimapayasharqan. Chaypin paykunata nirqan imaynas khamuna mijunamanta aswan allin kaqta maskhananku karqan chayta. Wiñay kausayman apaq t’antatan maskhananku karqan. Chay t’antata maskhaqkunaqa wañunkumanña karqan chaypas tukukuy tiempopiqa kausarimpunankun karqan. Chaymantapas chay kutipiqa manan Señorpa cenanpi jinachu pisi t’aqa runakunallata rimapayasharqan, aswanpas payqa llapa runakunatan rimapayasharqan. Imaynas llapa runakuna wiñay kausay bendicionta chaskinkuman chaymantan rimapayasharqan. w24.12 11 párrs. 10, 11

Jehová Diosqa cheqnikunmi maqakuq runakunataqa (Sal. 11:5). Astawanqa esposankuta maqaq runakunatan payqa cheqnikun (Mal. 2:16). Juj qosa esposanta mana sumaqtachu qhawarinqa chayqa Diosmantan karunchakushanman. Diosqa manan paypa mañakusqantaqa uyarinmanpaschu (1 Ped. 3:7). Wakin qosakunaqa millay simikunawanmi sinchi nanakuq simikunawanmi esposankuta rimapayanku. Jehová Diosqa cheqnikunmi phiñasqa kayta, k’araq phiñakuyta, qaparqachayta, mana respetowan millay rimaytapas (Efes. 4:​31, 32). Millayta comunta rimaq runaqa casado kausaynintan mana allinman churashan. Manan chayllapaschu, Dioswan amigo kasqanta iman mana allinman churashan (Sant. 1:26). Mayqen qosapas chay pornografía nisqa qhelli ruwaykunata millay ruwaykunata qhawanman chayqa, Jehová Diosmantan karunchakushanman. Manan respetashanmanchu esposantapas, aswanmi mana valeqpaq jina qhawarichishanman. Jehová Diosqa munan qosakunaq sonqon esposallankupaq kanantan, yuyayninkupas esposallankupi kanantan. Chaymanta rimashaspan Jesuspas nirqan: “Pipas juj warmita munapayaspa qhawapayashanman chayqa, ñan paywan sonqonpi pantanña”, nispa (Mat. 5:​28, 29). w25.01 9 párrs. 6-8