Caway vidanchichoga ali cajcunata acranapaj pilapis consejamänanchitami necesitanchi. Chaypäga congregaciuncho ancianucuna y pogushga cristianucunami caycan. Paycuna auquinna caycaptinpis, manami nishwanchu ‘consejuncunaga unaypaj imachi ali cashga’ nir. Jehovaga munanmi auquin cajcunapita yachacunapaj. Paycunaga imaycapa pasar yachacushga más yachaj y tantiaj capäcunanpaj. Unaychoga yäracoj sirvejnincunawanmi Jehovaga marcanta shacyächergan y pusharganpis. Yachacushun Moisespita, Davidpita y apóstol Juanpita. Paycunaga manami reguinacärirganchu y imacunapa pasashgancunapis manami igualchu cargan. Wanunanpäna caycar paycunaga más mozu cajcunata ali consejapargan. Y cutin cutin nipäcurgan Diosta cäsucärinanpaj. Jehovapa consejuncunaga lapanchitami yanapämanchi auquinna caycarpis o mozularaj caycarpis (Rom. 15:4; 2 Tim. 3:16). w24.11 8 parr. 1, 2

Noé cawashgan wichanchona Jehová nergan runacuna yawarta mana micunanpaj (Gén. 9:3, 4). Israelitacunapa tiempunchopis Jehová mandargan pipis yawarta micuptenga wanuchishga cananpaj (Lev. 7:27). Jesusga Diospa Leyninta imaypis cäsucojmi (Mat. 5:17-19). Chauraga payga yarpaylapis yarparganchu runacunata aychanta micuchinanpaj y yawarninta upuchinanpaj. Jesús aychanpita y yawarninpita parlarga, ¿imapitaj tantiachicuycargan? Shumaj tantiarinapaj samaritana warmipita parlashganta ricärishun, Jesús payta nergan: “Noqa kamaripashqä yakuta upuq kaqmi itsanqa imaypis mana yakunanqatsu. Tsay kamaripashqä yaku shonquncho pukyuno kaptinmi imayyaqpis kawanqa” (Juan 4:7, 14). Jesusga manami niycarganchu samaritana warmi yacuta upushganlapita manami cawangachu. Nircur Capernaumcho caycaj runacunata manami nirganchu aychanta micur y yawarninta upur mana ushacaypa cawayta tarinanpaj cajta. w24.12 9 parr. 4-6

Cristiano runacunaga Diosta mana sirvej runacunano manami yarpanmanchu. Chayno yarparga paycunano rurar galaycunmanchi. Unay Roma cristianucuna pasashganpita yachacushun, paycunaga cielupaj acrashga cristianucunami cargan. Cay mushoj congregaciuncho caycajcunata Pablo nergan: “Waquin runacuna shongun munashanta rurar cawashannöga amana cawaynachu” (Rom. 12:1, 2, TDI). Cay cristianucunata Pablo consejargan Diosta mana reguej runacunano mana yarpänanpaj ni rurananpaj. ¿Imanir? Waquin cristianucuna manami cambiucunata rurarganrächu cristianuno comportacunanpaj. Canan wichanpis cay consejucunaga casarashga cajcuna cäsucunanpämi caycan. Pero waquin cristianucunaga cay mundo runacunano warminta ashlipar mana ali tratapäcun. w25.01 9 parr. 4