И дар англа Иегова сыкавэл, кай амэ любисарас лэс. Амэ любисарас лэ Дэвлэс кадя дэ фартэ, кай дарас тэ стерас лэсти дуқанэс. Важ амэндэ важно тэ уӷодисарас лэ Иеговасти. Важ када амэ камас тэ сытювас тэ полас, кай о лашымос, ай кай о найлашымос, кай о чачимос, ай кай о хохаимос (Прит. 2:3—6; Евр. 5:14). Если амэ ласа тэ дарас лэ манушэндар май фартэ, чем лэ Дэвлэстар, тоди амэ ласа тэ патяс лэ хохаимасти. Погиндосар, со сас, кала о Маисеё бишалдя 12 манушэн тэ роздиқэн и ԥув, пала сави о Дэл дя алав. И 10 андар лэндэ пэрэдарайлэ через и хананеёря. Кадэя дар сас май бари, чем лэндири любовь каринг о Иегова. Вонэ ԥэндэ аврэ манушэнди анда пэско народо: «Амэ нэ можэм тэ жас против кодэла, ко котэ жувэл, важ кода кай вонэ май зоралэ амэндар» (Чис. 13:27—31). Варисо анда кадэла алава сас чачимос. Моӷло тэ здэлпэ, кай и хананеёря май зоралэ. Но хэба правильно сас тэ ԥэнэн, кай и израильтяноря нэ смоӷут тэ победин пэстирэ вороӷонэн? Кодэла, ко кадя ԥэнэнас, совсем бистэрдэ пала Иегова! w24.07 9, абз. 5, 6

Можэм амэ тэ патяс, кай кала о Иегова лэла тэ сындой, во вся и время андярэла пэс правильно? Да! О Авраамо поля па пэстири жызня, кай о Иегова, идиально «Сындомари всаворя ԥувьяко», лэстэ бари мудрость и во жалуий анда оди. О Дэл сытярдя пэстирэ Шавэс и дя лэсти вся о право тэ андярэл о сындо (Иоан. 5:22). Лэ манушэндирэ одя сар пэ палматэ кай о Иегова и кай о Исусо (Матф. 9:4). Важ када, кала вонэ лэна тэ сындон кажнонэ манушэс, вонэ терэна када справедливо. Давайте вся и время тэ патяс лэ Иеговасти. Во всегда прилэл правильни ришэнии! Амэ полас, кай амэнди на прижал тэ авас сындомаря, када прижал кати лэ Иеговасти (Ис. 55:8, 9). Важ када амэ отдас вся о сындо андэ вас лэсти и лэстирэ Шавэсти лэ Исусости. Во Царё, саво кадя жэ сар лэско Дад, справедливо и жалуий анда оди. w24.05 7, абз. 18, 19

Тэ дас дума чачимос андэ пэско ди фартэ важно. Када дицэля, кала о Филипо андя каринг о Исусо пэстирэ друӷос, савэс ақарэнас Нафанаило. Хоть о Исусо май данглал на ӷанэнас лэс, во ԥэндя: «Акэ чачуно израильтянино, андэ саво ни ӷрама нинай хытрия» (Иоан. 1:47). О Нафанаило сыкадя пэ дила када инке май фартэ. Сар и амэ, о Нафанаило сас нэидиально, но андэр лэстэ ни ӷрама на сас хытрия. Лэ Исусос када фартэ удивисардя, и во похвалисардя лэс важ када. Андо 15 Псалом росԥэнэнпэ, со о Иегова аштярэл пэстирэ ӷостёнэндар. Бут гиндоря катар шон сама пэ кода, сар амэ обжаспэ аврэнца. Андо трито стихо ԥэнэнпэ, кай кодэва, ко камэл тэ авэл андэ лэ Иеговастири катуна, «на хохавэл пэстиря шыбаса. Кодэлэнди, ко паша лэстэ, на терэл вэрыто, во на ашунэл и на розмэкэл и найлашэ думы важ пэско друӷо». Если амэ на слидосарас пала пэстири дума, то можэм тэ анас аврэнди бари дук. (Иак. 1:26). w24.06 10, абз. 7, 9; 11, абз. 10