Boky Fianaran̈a amy Fivorian̈a Momba Fiain̈anantsika Ndreky Fanompoan̈a—2024 | Novambra

18-24 NOVAMBRA

SALAMO 107-108

Hira 7 Ndreky Vavaka | Fampidiran̈a (1 min.)

VALERA BAKA AMY VOLAN̈AN’NY ZAN̈AHARY

1. ‘Ataova Mersy Jehovah Fôtony Tsara Izy’

(10 min.)

Jehovah nan̈avotro Israelita aby io baka ta Babylony; navaotany baka tamy donian’i Satana koa atsika (Sl 107:1, 2; Kl 1:13, 14)

Atsika mankasitraka Jehovah ke midera izy an̈atin’ny fiangonan̈a (Sl 107:31, 32; w07 15/4 20 § 2)

Hahaihankasitraka Jehovah fo atsika izikoa dinihintsika raha jiaby nataony tamintsika (Sl 107:43; w15 15/1 9 § 4)

Sary: Fomba isan-karazany mety iderantsika Jehovah. 1. Rahalahy ndreky ranabavy mihira am-pivorian̈a. 2. Rahalahy araiky mamaly teny am-pivorian̈a. 3. Ranabavy aroe mitory isaka tran̈o.

2. Valera Ara-pan̈ahy

(10 min.)

Sl 108:9—Ino antony nahavy Moaba nampiran̈in’ny Zan̈ahary amy ‘kovety fanasany ain̈y’? (it-2 425 § 3)

Sorata eto valiny
Ino valera ara-pan̈ahy hitanao tamy vaky Baiboly tamin’ny herin̈iandra ty?

Sorata eto valiny

3. Vaky Baiboly

(4 min.) Sl 107:1-28 (th fianaran̈a 5)

FAMPIOFAN̈ANA AMY FANOMPOAN̈A

4. Fanombohan̈a Koran̈a

(3 min.) TSY ARA-POTOAN̈A. (lmd leson 1: Hevitry 4)

5. Mitsidiky

(4 min.) TSY ARA-POTOAN̈A. Ambarà izy fa atsika mampianatra Baiboly olo, aviô amia karty momba fianaran̈a Baiboly izy. (lmd leson 9: Hevitry 3)

6. Kabaro

(5 min.) ijwyp 90: Foto-kevitry: Akôry Ataoko Baka Zaho Tsy Hieritreritry Raha Mampakivy? (th fianaran̈a 14)

FOMBA FIAIN̈ANA KRISTIANIN̈Y

Hira 46

7. Mihira Atsika Fôtony Atsika Mankasitraka Jehovah

(15 min.) Fiarahan̈a midiniky.

Matanjaka mare maramila ezipsianin̈y aby io ke navozo irô Israelita aby io. Jehovah nan̈avotro irô tamy Ranomasin̈y Mena, ke Israelita aby io nan̈ano hira araiky hankasitrahan̈a izy. (Ek 15:1-19) Lelahy aby io nitariky hira vaovao io. (Ek 15:21) Jesosy ndreky irô Kristianin̈y tamy taonjato voanalohany tan̈y koa nan̈ano hira nideran̈a Zan̈ahary. (Mt 26:30; Kl 3:16) Karaha zen̈y koa ataontsika amy ziôty. Lera atsika mivory ndreky man̈ano fivoriambe, atsika mihira han̈aboahantsika fa atsika mankasitraka Jehovah. An̈isan’izen̈y hira “Misaotra, Jehovah” nataontsika tiô in̈y. Rango tamin’ny 1966, atsika nan̈ano hira io koa fa mivory.

Amy toeran̈a sasany, lelahy men̈atra mihira an̈ivon’olo. Sasany baka mety tsy mihira foeky, fôtony irô mieritreritry fa irô ratsy feo. Fa ndray zen̈y, atsika mila mangala onon̈o fa hira ataontsika amy fivorian̈a io an̈isan’ny fanompoan̈a Jehovah. Fandaminan̈a mifen̈y mare mamôron̈o hira maro tsara ndreky mifidy hira mety tsarabe atao isaka fivorian̈a. Ino amizay anjarantsika? Tsotra fo, atsika mila miaraka mihira an̈aboahantsika fa atsika mankasitraka Babantsika an-dan̈itry an̈y amy fô jiaby.

Alifasa VIDEO Raha Niavaka Tamy Tantarantsika—Hira, Fizaran̈a 2. Aviô an̈ontania mpan̈atriky:

Sary baka tamy video “Raha Niavaka Tamy Tantarantsika: Hira, Fizaran̈a 2.” Rahalahy F. W. Franz man̈ambara fiboahan’ny “Fihiran̈a Momba Fanompoan̈a Fanjakan̈an’ny Zan̈ahary.”

Ino ma raha nandalo tamin’ny 1944?

Sorata eto valiny

Sary baka tamy video “Raha Niavaka Tamy Tantarantsika: Hira, Fizaran̈a 2.” Rahalahy araiky ta Sibérie manjaitry bande ny kasety amy palitô, amin’izio ao misy hira nataon’ny rahalahy ndreky ranabavy tan̈y.

Akôry nan̈aboahandrô rahalahy ta Sibérie tan̈y fa irô nankasitraka mare hiran’ny Fanjakan̈an’ny Zan̈ahary?

Sorata eto valiny

Sary baka tamy video “Raha Niavaka Tamy Tantarantsika: Hira, Fizaran̈a 2.” Rahalahy ndreky ranabavy mihira miaraka amin’ny orkesty amy fivoriamben’ny vondrom-paritry.

Nan̈ino hira an̈isan’ny raha ten̈a maventy amy Vavolombelon̈on’i Jehovah?

Sorata eto valiny