Maharidraha

Ino Raha Nataony Jesosy?

VIDEO: Jesosy Nahadin̈y Nan̈ampy Rahalahiny

1. Zahava VIDEO, na vakia Jaona 7:3-5 ndreky 1 Korintianina 15:3, 4, 7, baka io valia fan̈ontanian̈a aby ty:

1. Karakory fandraisandro rahalahiny Jesosy aby io hafatra nindesiny?

2. Karakory nan̈aboahany Jesosy fa izy tsy kivy nan̈ampy Jakoba rahalahiny?

Ino Raha Ianarantsika Baka amy Jesosy?

2. Atsika mila maharidraha, fotony mety ho ela olo sasany vo man̈eky vaovao tsara.

Aleva Tahaka Jesosy

3. Mampiasà fomba isankarazany. Izikoa olo araiky tsy direkty man̈eky hianatra Baiboly, aza tiren̈y izy. Amy fotoan̈a mety, mampiasà video na lahatsoratra hahaizany karakory ma atao mianatra Baiboly ndreky ino hatsaran̈a azo baka amy zen̈y.

4. Aza ampiran̈iny olo fotony olo samby isany. Izikoa misy havanao na fitsidihan̈anao misalasala hianatra Baiboly na tsy han̈eky raha ampianariny Baiboly, diniha ino mety ho antony. Ino ma raha ten̈a tsy lefiny amy fivavahan̈anany? Manohitry izy ma iry havany na jiraninany? Ameza fotoan̈a izy handinihan̈a momba raha nivolan̈inao ndreky hahita fa ten̈a raha maventy raha koran̈iny Baiboly.

5. Mivavaha nindro olo lian̈a aby io. Angataha Jehovah han̈ampy anao hizaha lafy tsarandraha ndreky hahay handanjalanja fo. Mivavaha koa misy hahaizanao fotoan̈a tokony han̈ajanonan̈a olo araiky fotony izy efa tsy ten̈a lian̈a eky.​—1 Kor. 9:26.