LIJIGANYO 13

Kulosya Kusosekwa kwa Ngani Jawo

Misyungu 3:21

YACITULIJIGANYE: Ŵakamucisye ŵakupikanila kulola ngani jakuŵecetajo mwajikwayila umi wawo soni ŵalosye mwampaka akamulicisye masengo yalijiganyisyeyo.

MWAMPAKA ATENDELE:

Aganicisyeje ya ŵakupikanila ŵawo. Aganicisyeje ligongo lyakwe ŵakupikanila ŵawo akusosekwa kupikana ngani jawo soni aloleje mbali syampaka syakamucisye jemanjajo.
Mungani jawo josope, alosyeje yakusosekwa kutenda ŵakupikanila ŵawo. Kutandila kundanda kwa ngani jawo, ŵakupikanila alipikaneje kuti, ‘Nganiji jikwamba une.’ Pakusala songa jilijose jekulungwa, akusosekwa kulosya mwampaka ajikamulicisye masengo. Aŵambaleje kuŵeceta yangapikanika.

Atagulile mwacinonyelo mwampaka yikamulile masengo yiwundo yine ya m’Baibulo soni mwakulosya kuti akupikanicisya mwakupikanila mumtima ŵakupikanilawo. M’malo mwakwatendekasya kulijimba magambo, akusosekwa kulimbisya cikulupi cawo soni akulupilileje kuti ŵakupikanila ŵawo mpaka akombole kukamulicisya masengo yakuŵecetayo kuti atendeje yindu yakuŵajilwa.