LIJIGANYO 15

Kuŵeceta Mwangakayicila

1 Atesalonika 1:5

YACITULIJIGANYE: Pakuŵeceta alosyeje kuti akwete cikulupi cakuti yakuŵecetayo yili yisyene soni yakusosekwa.

Akoseceleje mwakwanila. Akoseceleje nganijo mpaka kwika pakupikanicisya songa syekulungwa soni kulola yagakuti malemba pakamulana ni songasyo. Alinjeje kusiŵeceta songa syawosyo mwakata. Alolejesoni mwampaka syakamucisye ŵakupikanila ŵawo. Konjecesya pelepa, aŵendeje msimu weswela.

Akusosekwa kulinjilila kujiŵeceta nganijo mwakoposya maloŵe kuti ajimanyilile cenene soni kuti akajiŵecete cenene.
Akamulicisyeje masengo maloŵe gakulosya kusimicisya. M’malo mwakwamba kuwilisya ndendende maloŵe ga munganijo, akamulicisyeje masengo maloŵe gawogawope. Akamulicisyejesoni masengo maloŵe gampaka galosye kuti akuyikulupilila yakuŵecetayo.
Alosyeje kuti akuyikulupilila ni mtima wosope yakuŵecetayo. Akusosekwa akwesyeje maloŵe mwakuŵajilwa. Naga yili yakuŵajilwa ni ndamo ja kumangwawoko, akusosekwasoni ŵaloleje ŵakupikanila ŵawo.

Pakuŵeceta alosyeje kuti yakusalayo yili yisyene nambosoni asamale kuti yikagamba kuŵa ya mumtwe kapena kwamba kanganicila nganisyo syawo. M’malo mwakwe aŵeceteje mwakulosya kwaganicisya ŵandu soni kwanonyela.