M’mwesi wa September 2013, alongo 9 ŵa mumpingo wa Lilongwe English ŵapite kukulalicila kwa cijuma cimo mumkuli wa mpingo wa Ntcheu Central mwakamulana ni ofesi ja nyambi. Ŵatandaga kulalicila ndaŵi ja 5:30 kundaŵi ni kumalisya ndaŵi ja 6:30 kwigulo. Mu cijuma celeci ŵalalicile kwa maola 625, soni ŵagaŵile magasini 4,048.Alongoŵa ŵayamicile cikamucisyo caŵapele Aklistu acimjawo ŵa mumpingo wa Ntcheu Central. Yaŵatesile alongoŵa yikukamulana ni yatukusaŵalanga pa Salimo 110:3 papakusasala kuti: “Ŵandu ŵenu cacilipeleka mwakusacilila pa lisiku lyacimcilongolela asilikali ŵenu kungondo.” Mwangakayicila, mtima wakulipeleka wukusalosya kuti tuli Aklistu ŵasyesyene.