Yakutendekwa mu Undumetume wa Mumgunda
Pajikuŵandicila mbesi ja cilamboci, kwende tujendelecele kulalicila kwa ŵandu ŵakulekanganalekangana, naga tukutenda yeleyo Yehofa cacitupa majali. Mwambone, mundu jwine ku Lizulu ŵapikene usyesyene kutyocela kwa jwacinasi jwakwe. Atamose kuti mundujo ŵakolelwaga, ŵakwembaga sona, soni ŵakwete umbo syepote, ŵacenjile umi wakwe paŵalijiganyisye usyesyene. Jwalakwe ŵabatiswe mu October 2011, ŵamkwakwe nombenawo ŵabatiswe pa msongano waupande wa mu 2013 ku Dedza. Sambano jino, jwalakwe akutumicila mumpingo mpela jwakutumicila jwakamucisya. Ana tukulijiganya cici? Mwangakayicila, maloŵe ga Mlungu gakwete macili gakusinda umi wa ŵandu. (Ahe. 4:12) Nambosoni, tukagwalaga kulalicila ŵacinasi ŵetu ŵanganaŵa ŵamboni.