Yampaka Aŵecete

“Ŵandu ŵajinji akusakulupililaga malayika. Ana wawojo akusagakulupililagasoni? [Ajembeceye kuti ajanje.] Mpela yakupanganyikwa yausimu, malayika gali gamacili mnope. Nambo ana akuganisya kuti malayikaga mpaka gatukamucisye? Baibulo jikusatusalila kuti malayikaga gakusiŵakamucisyaga ŵandu moŵa agano.” Amlosye ngani jajili pa peji jakumalisya ja Nsanja ya Olonda ja September 1 kaneko atagulilane najo ciwusyo candanda, soni aŵalanje lilemba limo pamalemba gali munganijo. Amgaŵile magasini, soni alinganye yakuwujilako kuti akatagulilane ciwusyo cakuyicisya.

“Ana akuganisya kuti ŵandu ajonanjile cilamboci mwati ngaŵa mkucilinganyasoni? [Ajembeceye kuti ajanje.] Atamose kuti ŵandu ngaŵa mkulinganyasoni yajonasile pacilambopa, Baibulo jikusatusalila kuti Mlungu ali jwakusacilila kuyilinganya, soni caciyilinganya kwene. Salimo 65:9 [Aŵalanje.] jikusatusimicisya yeleyi. Magasini aji jikusala yacacitenda Mlungu kuti cilamboci ciŵe cambone, soni yatukusosekwa kutenda kuti citusangalale ni majaliga. Ana mpaka nalecele kuti ajiŵalanje?”

“Mabwana gane gakusiŵakanganicisya ŵandu ŵawo kamula masengo mnope mwati ŵanduwo akusasoŵa pakutilila. Acinamatetule ŵane akusati kamula masengo mnope mpaka kumtendekasye mundu kulipucilwa. Ana akuganisya kuti mundu mpaka atende cici kuti aŵambale yeleyi? [Ajembeceye kuti ajanje.] Kwende tulole lilemba lyakamucisya. [Aŵalanje Mlaliki 4:6.] Magasini aji jikusala matala mcece gampaka gatukamucisye kuti tukalipucilwaga ni masengo.”