Yampaka Aŵecete

Pakutandisya Lijiganyo lya Baibulo Lyakuŵeluka Lyandanda mu October

“Tukuŵecetana ni acimjetu pakwamba ya boma jambone. Ana akuganisya kuti boma jilijose mpaka jikombole kamasya yindu yakusawusya mnope mpela kwimucilana, soni ungali cilungamo?” Ajembeceye kuti ajanje. Amkumbusye msyenenyumbajo kuti m’Lipopelo lya Ambuje, Yesu ŵasalile ŵakumkuya ŵakwe kuti apopeleleje kwika kwa boma jampaka jimasye yakusawusyayi, jajili Ucimwene wa Mlungu. Amlosye ngani jajili pa peji jakumalisya ja Nsanja ya Olonda ja October 1, kaneko atagulilane najo ciwusyo candanda, soni aŵalanje najo atamose lilemba limo pa malemba gali munganijo. Amgaŵile magasini, soni alinganye yakuwujilako kuti akatagulilane ciwusyo cakuyicisya.

“Tukuŵecetana ni ŵandu pakwamba ya maloŵe ga m’lipopelo lyakumanyikwa mnope lyaŵajiganyisye Yesu ŵakulijiganya ŵakwe. [Aŵalanje Mateyu 6:9, 10.] Ana akumanyilila cenene kuti Ucimwene wa Mlungu uli cici, soni ana akumanyilila ligongo lyakwe Yesu ŵawugombelecesyaga mnope paŵajiganyaga? [Ajembeceye kuti ajanje.] Magasini ajino jikulosya yajikusasala Baibulo pakwamba ya Ucimwene wa Mlungu nambosoni, yindu yine yakusangalasya yawuciyikasya pacilamboci.”

“Tukunguluka ni ŵandu pakwakamucisya kupata kwanga kwa ciwusyo aci. [Amlosye peji jandanda ja magasinijo.] Ana akuganisya kuti mundu akusosekwa kuŵa jwakusicila kuti yindu yimjendeleje cenene paumi? [Ajembeceye kuti ajanje.] Baibulo jikusatusalila mwampaka tuyiwoneleje yindu yakucilu. [Aŵalanje Luka 12:15.] Mwakamulana ni yajikusasala Baibulo, mundu jwalijose komboleka kupata umi wambone. Magasini aji jikutagulila yeleyi.”