Yiwusyo Yakusanonyela Ŵandu Kuwusya / Yitendo / Ligongo Chichi ŵa Mboni sya Yehofa Ŵangakamulichisyaga Masengo Msalaba (Mtanda) Pakulambila?

Ŵandu ŵajinji pachilambopa akusawuwonga msalaba kuŵa chimanyilo cha Aklistu. Atamose kuti ŵa Mboni sya Yehofa alisoni Aklistu, nambo ngatukusakamulichisya masengo msalaba pakulambila kwetu. Ligongo chichi?

Ligongo lyandanda lili lyakuti Baibulo jikusalosya kuti Yesu nganawila pa msalaba nambo pa chitela chegoloche. Konjechesya pelepa Baibulo jikusasala mwamachili kuti Aklistu akusosekwa kuŵambala ‘kulambila milungu jine,’ yayikupwatikapo kuŵambala kamulichisya masengo msalaba pakulambila.​—⁠1 Akolinto 10:14; 1 Yohane 5:​21.

Yesu jwasasile kuti, “Naga mkunonyelana jwine ni mjakwe, pelepo ŵangu wosope tachimanyilila kuti jemanja mli ŵakulijiganya ŵangu.” (Yohane 13:34, 35) Pelepa Yesu jwalosisye kuti ŵakumkuya ŵakwe ŵasyesyene akusosekwa kumanyikwa ni ndamo ja chinonyelo, ngaŵaga msalaba kapena chiwanichisyo chine.