提多书
2 至于你，你要不断讲论同健全嘅*教导一致嘅事。 2 年长嘅男人应该生活有节制，庄重认真，思想健全*，喺信心、爱心、忍耐方面都要健全。 3 同样，年长嘅女人应该有虔诚嘅行为，唔诽谤人，唔做酒嘅奴隶*，教导人美善嘅事。 4 噉样，佢哋就能够劝勉*年轻嘅女人爱丈夫，爱仔女， 5 思想健全，贞洁，持家有道*，良善，顺服丈夫，以免上帝嘅话语俾人诋毁。
6 同样，你应该不断劝勉年轻嘅男人思想健全。 7 你自己喺各方面都要有好行为，树立榜样。要认真*噉教人纯正嘅道理*， 8 用健全有益、无可指责嘅言辞教导人。噉样，反对嘅人冇办法讲我哋坏话，佢哋就觉得羞愧嘞。 9 奴隶应该事事顺服主人，尽力令佢哋满意，唔驳嘴， 10 唔偷嘢，完全信实可靠，噉就可以喺各方面为我哋嘅救主上帝嘅教导增光*。
11 上帝已经显出佢嘅分外恩典，去拯救各种各样嘅人。 12 上帝通过分外恩典教导我哋，拒绝唔虔诚嘅态度同埋世俗嘅欲望，喺目前嘅制度*怀住健全嘅思想，过正义、虔诚*嘅生活， 13 同时等待我哋盼望嘅福乐，亦都等待伟大嘅上帝同埋我哋救主耶稣基督显示佢哋嘅荣耀。 14 基督为我哋牺牲咗自己，从各种不法嘅事当中释放*咗我哋，仲令我哋洁净，等我哋成为专属于佢嘅子民，热心做美好嘅事。