有一晚，撒母耳瞓着之后，发生咗一件唔寻常嘅事。a（请读撒母耳记上3:2-10）佢听见有人叫佢嘅名。撒母耳以为系年老嘅大祭司以利叫佢，就即刻跑去以利嗰度，话：“你呼唤我，我喺呢度。”不过以利话，自己冇叫过佢。之后，第二次，第三次，又发生咗同样嘅事。以利意识到，呼唤撒母耳嘅系耶和华。

到咗朝早，撒母耳能唔能够鼓起勇气，向以利讲出上帝严厉嘅审判信息呢？呢个对佢嚟讲真系一啲都唔容易！圣经话“撒母耳唔敢将异象讲俾以利知”。不过，耶和华令以利清楚知道，被呼唤嘅系撒母耳。于是，以利要求撒母耳将上帝所讲嘅话原原本本讲翻俾佢知，一句都唔可以隐瞒。