你记唔记得？

你有冇仔细读过最近几期《守望台》嘅内容呢？睇吓答唔答到以下嘅问题：

收到嚟自上帝组织嘅指引时，分区监督、会众嘅长老同其他弟兄应该有点样嘅态度呢？

佢哋应该马上按照指引去做。佢哋可以问吓自己：“我有冇尽力帮助其他人忠于耶和华？我有冇即刻接受或者支持带头弟兄提出嘅指引？”——《守》16.11刊11页

上帝嘅子民几时沦为大巴比伦嘅俘虏？

呢件事发生喺使徒去世之后。当时，教士阶级开始出现。教会同统治者互相勾结，推广变咗质嘅基督教，阻止受膏基督徒传讲圣经信息。呢啲受膏基督徒就系耶稣比喻里面讲嘅小麦，喺1914年之前几十年，佢哋开始摆脱大巴比伦嘅奴役。——《守》16.11刊23-25页

点解勒菲弗尔·戴塔普尔嘅工作影响深远？

喺16世纪20年代，勒菲弗尔为咗令当时嘅平民百姓可以睇得明圣经，于是将圣经翻译成法语。佢解释经文嘅方法，启发咗圣经译者马丁·路德、威廉·廷德尔同埋约翰·加尔文。——《守众》16.6期10-12页

“思想只顾顺应肉体”同埋“思想总系顺应圣灵”有乜嘢分别？（罗马书8:6）

思想只顾顺应肉体嘅人受肉体嘅欲望支配，无论系性有关嘅事抑或系其他事，都顺住心入面嘅渴求同倾向嚟生活。思想总系顺应圣灵嘅人，会以上帝同上帝嘅观点为生活嘅重心；噉样嘅基督徒系受圣灵指引嘅。前者最终必定死亡，后者一定会得到生命同平安。——《守》16.12刊15-17页

有乜嘢好方法可以减轻忧虑？

做事定下先后次序；期望要合理；每日安排时间静一静；欣赏大自然；保持幽默；定期运动；睡眠充足。——《守》16.12刊22-23页

圣经讲以诺“被移走”结果“不见死亡”。（希伯来书11:5）呢句话应该点样理解？

睇嚟可以理解为，耶和华令以诺喺不知不觉中安然死去。——《守众》17.1期12-13页

点解为人谦逊好重要？

为人谦逊系指对自己有合理嘅睇法，清楚知道自己嘅能力限度。我哋要留意，自己嘅行为会点样影响其他人，同时唔会自视过高或者睇小自己。——《守》17.1刊18页

有咩证据表明上帝指引公元1世纪嘅中央长老团，就好似佢指引今日嘅中央长老团成员一样？

通过圣灵嘅帮助明白圣经真理；得到天使嘅协助督导传道工作；按照上帝嘅话语提出指引。今日都系一样。——《守》17.2刊26-28页

有乜嘢因素表明赎价好宝贵？

因素有四个：赎价嘅来源；提供赎价嘅原因；献出赎价嘅代价；同埋赎价满足到人真正嘅需要。我哋应该沉思呢啲原因。——《守众》17.2期4-6页

基督徒做咗决定之后，可唔可以改变主意？

我哋应该话一就一，话二就二。但系，有一啲决定应该重新考虑。耶和华睇到尼尼微人悔改之后，佢就改变咗原先嘅决定。有时因为某啲情况改变咗，或者对事情有咗更全面嘅了解，我哋就要作出调整。——《守》17.3刊16-17页

点解散播有害嘅闲话好危险？

因为噉样做只会令事情越来越麻烦，一发不可收拾。无论有咩理由都好，我哋散播有害嘅闲话系改善唔到情况嘅。——《守》17.4刊21页