Ажәамаанақәа

27 Уаҵәы иҟауҵо уахымыҽхәалан,

Избанзар уаҵәтәи амш иузаанаго уздырӡом.

 2 Убз акәымкәа, даҽаӡәы* уирҽхәалааит,

Уара уакәымкәа, егьырҭ* удырҽхәалааит.

 3 Ахаҳә хьанҭоуп, аԥслымӡгьы ласӡам,

Аха агаӡа уаниргәамҵуа еиҳагьы ихьанҭоуп.

 4 Аԥсахеибакра агәыжәла цәгьоуп, агәыԥжәара аӡхыҵра иаҩызоуп,

Аха ахыбаара* еиҳагьы еицәоуп.

 6 Аҩыза бзиа уихәыр еиҳа еиӷьуп,

Уаӷа акырынтә уигәӡыр аасҭа.

 7 Амла иамкуа асаранџьгьы мап ацәикуеит*,

Амла иакуа изы иашоугьы хаауп.

 8 Зыҭра аанзыжьыз аҵыс даҩызоуп

Зыҩны аанзыжьыз ауаҩы.

 9 Ахәшеи афимиами угәы иахәоит,

Убасҵәҟьа гәыкала иулабжьо уҩыза угәы дахәоит.

10 Уҩыза даанумыжьын, уаб иҩызагьы даанумыжьын,

Агәаҟра уанҭагылоу уашьа иҩныҟа умцан.

Уааигәа иҟоу агәыла ахара иҟоу уашьа иаасҭа деиӷьуп.

11 Уҟәышыз, сыҷкәын, сагьыргәырӷьала,

Иакәым сзызҳәо аҭак сызиҭарц азы.

12 Иҟәышу ауаа ашәарҭара анырбалак, рҽацәырыхьчоит,

Аԥышәа змам ракәзар, рҽацәырыхьчаӡом, убри аҟынтә агәаҟрақәа ирықәшәоит*.

13 Атәымуаҩ изы аҭакԥхықәра зхахьы изгаз имаҭәа имх,

Атәымдгьыл иатәу аԥҳәыс лзы* аҭакԥхықәра ихахьы игазар, ашасы* имх.

14 Аӡәы ашьыжь шаанӡа ибжьы ҭыганы изааигәоу аԥсшәа иеиҳәар*,

Дишәизшәа иԥхьаӡоит.

16 Уи даанызкыло аԥшагьы ааникылоит,

Иарӷьа напаҿгьы ахәша изкуеит.

17 Аихеи аихеи шеибарҵаруа еиԥш,

Ауаҩгьы иҩыза дирҵаруеит.

18 Злаҳаҵла иахылаԥшуа иҿало ифалоит,

Зыԥшәма иеиҷаҳауа ҳаҭыр иқәырҵалоит.

19 Аӡы ухы-уҿы шанубаало еиԥш,

Аӡәы игәы угәы анубаалоит.

20 Анышәынҭреи* аԥсцәа ахьбаауа аҭыԥи* ахаан рызхара ҟалаӡом,

Ауаҩы илақәагьы рыԥсы ҭәӡом.

21 Амца ахьи араӡни арыцқьоит,

Ауаҩы дандырҽхәо, дзеиԥшроу ааԥшуеит.

22 Агаӡа ачарыц еиԥш аҳаҟьа дықәурҟьацларгьы,

Игаӡара илҵӡом.

Ууасақәа ибзианы урхылаԥшла.

24 Избанзар амал наӡаӡа иҟаӡам,

Агәыргьынгьы ҵыхәаԥҵәарада абиԥарақәа рахь ииаслаӡом.

25 Аҳаскьын иаҵәа ықәӡаауеит, аҿыц азҳауеит,

Ашьхараҿгьы арахә рзы аҳаскьын еизыргоит.

26 Аҭыӷь ҿақәа амаҭәазы иухәоит,

Аџьмақәа адгьыл аахәаразы иухәоит.

27 Иузхаша аџьмахшгьы умазаауеит,

Уҩнаҭа иатәуи умаҵ зуа аӡӷабцәеи ирызхашагьы.