‘Osạr Ghan Owilhenhaạn Ikarạph Dị Awe Oḍighi Igeediidi Phọ’

Egina iyaạr dị kotue okol osạr ikarạph ayira obilhenhaạn pọ ekiạ etagharạn phọ aZizọs aphighironhọm bọ iḅaạl phọ odị. (Efẹ. 1:7) Kuolọ aBaibul phọ aḅẹm mọ: “Enhaạn esi okparạm mọ odị asạr ghan ni awilhenhaạn ikarạph dị awe oḍighi igeediidi phọ,” kụ aZizọs agbi bọ ophighirọn ekiạ etagharạn phọ. (Rom 3:25 NWT) Ika kụ edị aZihova kasạr ikarạph awe abilhenhaạn mem dị k”ophighirọn ekiạ etagharạn phọ kụ akiọm ni ghisigh aḍighi Enhaạn elhiom ooruẹn?

Esi aZihova, k’amem mọ odị aguanhaan bọ omiteom “oọny” dị kapẹl omhạr awe lọ koḍeenhaan omheeraam, ighịgh mudị mophighirọn ni ekiạ etagharạn phọ omadạn. (Gen. 3:15; 22:18) Enhaạn akạr kụ akuphom owol mọ ogina Oọny phọ odị kameera ni amiteom loor apighirọn ekiạ etagharạn phọ mem dị eteẹny. (Gal. 4:4; Hib. 10:7-10) Mem mọ odị arọl bọ siẹn ade phọ idiphọ omeerạ enye Enhaạn, aZizọs amhoọgh ni iikpọ osạr ikarạph owilhenhaạn kụ egbi bọ oteẹny amem mọ odị kapighirọn bọ ekiạ phọ. AZizọs arue ni asạr ikarạph awe dị omhoọgh omheeraam awilhenhaạn loor esi dị odị alhegheri ni mọ ekiạ phọ odị kapighirọn bọ kegbuurogh ni ikarạph phọ abidị.—Mat. 9:2-6.