Nyut ni Iparo pi Dano

Gin ma Yecu Otimo

VIDIO: Kica Omako Yecu i kom Lwak

1. Nen VIDIO, nyo kwan Marako 6:​30-34. I nge meno, tam i kom lapeny magi:

1. Pingo onongo Yecu ki lukwenane gimito cito i “kabedo ma dano pe iye”?

2. Ngo ma otugo cwiny Yecu me pwonyo lwak?

Pwony Ango ma Wanongo ki Bot Yecu?

2. Kica tugo cwinywa me paro pi dano ento pe me tito kwena keken.

Lub Lanen pa Yecu

3. Cik iti me winyo lok. Wek ngat meno obed agonya me tito kit ma en winyo kwede. Pe ingol lokke dok pe ica kit ma en winyo kwede, par ma en tye kwede, nyo gin ma en pe ye iye. Ka itero iti ka winyo lokke, ci inyutte ni iparo pi kit ma en winyo kwede.

4. Tam i kom ngat ma onyuto miti-ni. Ma lubbe ki lok ma wunyamo, pennye kekeni ni:

1. ‘Pingo mitte ni en owiny lok me ada?’

2. ‘I yo ma nining ma kwano Baibul kwede twero weko kwone me nino ducu kacel ki anyimme bedo maber?’

5. Lok i kom jami ma twero konye. Ma pe orii, nyutte kit ma kwanwu me Baibul twero gamo kwede lapennye kun bene konye i kwone me nino ducu.