Yesaya
44 “Amlɔ nɛ ɔ, mo Yakob ye sɔmɔlɔ,
Kɛ mo Israel, nɔ nɛ i hla, moo bu tue.+
2 Nɔ́ nɛ Yehowa
O Bɔlɔ ɔ kɛ nɔ nɛ e puɛ mo,+
Nɛ e ye bua mo kɛ je fɔmi kotoku mi* ɔ ngɛ dee ji nɛ ɔ nɛ:
3 Ejakaa ma plɛ nyu kɛ pue nɔ nɛ kuma ngɛ lɛ yee ɔ* nɔ,+
Nɛ ma ha nɛ pahi maa hia ngɛ zugba gbigbli nɔ.
5 Nɔ kake ma de ke: “Yehowa nɔ́ ji mi.”+
Nɛ nɔ kpa maa ngɔ Yakob biɛ kɛ tsɛ e he,
Nɛ nɔ kpa hu maa ngma ngɛ e nine he ke: “Yehowa nɔ́.”
Nɛ e maa ngɔ Israel biɛ kɛ fɔ e nɔ.’
‘Imi ji kekleekle nɔ kɛ nyagbe nɔ.+
Ye se ɔ, Mawu kpa ko be.+
7 Mɛnɔ lɛ e ngɛ kaa imi?+
É wo gbi, e je e gbi kpo nɛ e ha nɛ ma na odase!+
Kaa bɔ nɛ i pee kɛ je benɛ i to blematsɛmɛ ɔmɛ si ɔ,
Ha nɛ e tsɔɔ mi níhi nɛ maa ba hwɔɔ se
Kɛ níhi nɛ maa ya nɔ.
Anɛ i sɛ we hlami kɛ de we nyɛ ti nɔ fɛɛ nɔ lo? Anɛ i jaje we lo?
Nyɛ ji ye we odasehi.+
Anɛ Mawu kpa ko ngɛ ngɛ ye se lo?
Dɛbi, Tɛsa kpa ko be;+ i li eko.’”
9 Nihi tsuo nɛ a peeɔ amagahi ɔ, se nami ko kulaa be a he,
Nɛ se nami ko be a we amaga amɛ a he bae.+
A ji a we odasehi, se a* nui nɔ́ ko, nɛ a li nɔ́ ko hulɔ,+
Lɔ ɔ he ɔ, zo maa gbe nihi nɛ a pee mɛ ɔ.+
10 Mɛnɔ hu lɛ e maa pee mawu ko, aloo dade amaga ko
Nɛ se nami ko be he bae?+
11 Hyɛ! Nihi nɛ a piɛɛ e he ɔ tsuo a hɛ mi ma pue si!+
Ga ní tsuli ɔmɛ ɔ, adesahi kɛkɛ ji mɛ.
Mɛ tsuo nɛ a bua a he nya nɛ a da a blɔ hehi.
Sawale maa nu mɛ, nɛ zo maa gbe mɛ tsuo.
12 Sɔ̃lɔ ngɔɔ dade kɛ woɔ la mi, nɛ e ngɔɔ e ní tsumi dade kɛ tsuɔ he ní.
E ngɔɔ e hamle ɔmɛ kɛ fiaa dade ɔ nɔ,
E kɛ e he wami tsuɔ he ní.+
Lɔ ɔ se ɔ, hwɔ yeɔ lɛ nɛ e he wami nɔ gbɔɔ;
E nui nyu, lɔ ɔ he ɔ, pɔ tɔɔ lɛ.
13 Tso hlɔlɔ ɔ pɛneɔ nɔ́ susumi kpa mi, nɛ e kɛ tsɔki tsutsu tɛniɔ nɔ́ nɛ e ma hlɔmi ɔ.
E ngɔɔ tso hlɔmi ha kɛ hlɔɔ, nɛ e ngɔɔ kɔmpas kɛ hyɛɔ kaa nɔ́ nɛ e ngɛ hlɔe ɔ hi lo.
14 Nɔ ko ngɛ nɛ e ní tsumi ji kaa e poo seda tso.
E hlaa tso pɔtɛɛ ko, oak tso,
Nɛ e haa nɛ e waa ngɛ tsohi nɛ a ngɛ hue tso mi ɔ a kpɛti.+
E duɔ lɔrɛl tso, nɛ hiɔmi nɛɔ kɛ pueɔ nɔ nɛ e waa.
15 Kɛkɛ ɔ, e ba peeɔ lɛ́ nɛ adesa kɛ ma slɛ la.
E ngɔɔ eko kɛ slɛɔ la nɛ e hlueɔ;
E slɛɔ la nɛ e sãã abolo.
Se e ngɔɔ eko kɛ peeɔ mawu nɛ e jaa.
E kɛ hlɔɔ amaga nɛ e kplãã si kɛ haa lɛ.+
16 E ngɔɔ tso ɔ fã kɛ slɛɔ la;
E kɛ jamɛ a fã a sãã lo, nɛ e kpeɔ nɛ e tɔɔ.
E hlueɔ la a, nɛ e deɔ ke:
“Oo! La nɛ ɔ nɛ i ngɛ hyɛe ɔ ha nɛ ye he dɔ la.”
17 Nɛ e kɛ nɔ́ nɛ piɛ ɔ peeɔ mawu, e kɛ hlɔɔ amaga.
E kplãã si ha lɛ nɛ e jaa lɛ.
E sɔleɔ ha lɛ nɛ e deɔ ke:
“Mo he ye yi wami, ejakaa mo ji ye mawu.”+
18 A li nɔ́ ko nɔ́ ko, nɛ a nui nɔ́ ko nɔ́ ko sisi hulɔ,+
Ejakaa a hɛngmɛ ɔmɛ ma, nɛ a hyɛ we nɔ́,
Nɛ a tsui susuu we nɔ́ he.
19 Nɔ ko nɔ ko be nɛ e susuɔ nɔ́ he ngɛ e tsui mi
Nɛ e ngɛ nile loo nɔ́ sisi numi, nɛ e ma de ke:
“I kɛ fã slɛ la,
Nɛ i sã abolo kɛ lo ngɛ la a nɔ nɛ i ye.
Anɛ e sa kaa ma ngɔ nɔ́ nɛ piɛ ɔ kɛ pee nɔ́ ko nɛ a hiɔ lo?+
Anɛ e sa nɛ ma ja tso kpɔ* lo?”
20 E yeɔ lazu.
Lɛ nitsɛ e tsui nɛ sisiɔ lɛ ɔ ha nɛ e tla blɔ.
E be nyɛe ma kpɔ̃ e he,* nɛ e be nyɛe ma bi ke:
“Anɛ pi lakpa nɛ ngɛ ye hiɔ nine mi nɛ ɔ lo?”
21 “Oo Yakob, kɛ mo Israel, kai ní nɛ ɔmɛ,
Ejakaa ye sɔmɔlɔ ji mo.
I bɔ mo, nɛ ye sɔmɔlɔ ji mo.+
Oo Israel, ye hɛ be o nɔ jee.+
22 Ma tsu* o he yayami ɔmɛ kaa nɔ́ nɛ bɔku lɛ ha nɔ+
Nɛ ma tsu o tɔmi ɔmɛ kaa nɔ́ nɛ bɔku kpii lɛ ha nɔ.
Kpale kɛ ba ye ngɔ, nɛ ma kpɔ̃ mo.+
23 Nyɛ hiɔwe, nyɛ he ose kɛ bua jɔmi,
Ejakaa Yehowa je e he wami kpo!
Nyɛ zugba a sisi hehi nɛ kuɔ, nyɛɛ kɛ bua jɔmi nɛ nya!
Nyɛ yokuhi, nyɛ he ose kɛ bua jɔmi,+
Nyɛ hue tsohi kɛ tsohi nɛ a ngɛ nyɛ mi ɔ tsuo!
Ejakaa Yehowa kpɔ̃ Yakob,
Nɛ e je e hɛ mi nyami ɔ kpo ngɛ Israel nɔ.”+
24 Nɔ́ nɛ Yehowa o Kpɔlɔ ɔ,+
Nɔ nɛ e puɛ mo kɛ je benɛ o ngɛ fɔmi kotoku mi ɔ ngɛ dee ji nɛ ɔ nɛ:
“Imi ji Yehowa, nɔ nɛ e pee nɔ́ fɛɛ nɔ́ ɔ.
Mɛnɔ lɛ e piɛɛ ye he?
25 Imi lɛ i haa nɛ nya puu tsɛmɛ* a we okadi ɔ peeɔ yaka,
Nɛ i haa nɛ klali peeɔ a ní kaa kuasiahi;+
Imi lɛ i haa nɛ ní leli a juɛmi gbɛɔ
Nɛ i haa nɛ a nile ɔ plɛɔ peeɔ kuasia jemi;+
26 Imi ji nɔ nɛ e haa nɛ e sɔmɔlɔ ɔ munyu baa mi
Nɛ́ e haa nɛ e tsɔli a gbami baa mi pɛpɛɛpɛ;+
Nɔ nɛ e ngɛ dee ngɛ Yerusalem he ke, ‘Nihi ma ba hi e mi,’+
Nɛ́ e de ngɛ Yuda ma amɛ a he ke, ‘A maa kpale ma mɛ ekohu,+
Nɛ ma kpale to e ma doku ɔ sisi ekohu’ ɔ;+
27 Imi ji nɔ nɛ ngɛ pahi nɛ a mi kuɔ ɔ dee ke, ‘nyɛɛ mii,
Nɛ ma ha nɛ o pa amɛ tsuo ma gbli’ ɔ nɛ;+
28 Nɔ nɛ e ngɛ dee ngɛ Sirus he ke,+ ‘E ji ye to hyɛlɔ,
Nɛ e maa pee ye suɔmi nya ní sisiisi’;+
Nɔ nɛ e ngɛ dee ngɛ Yerusalem he ke, ‘A maa ma lɛ ekohu,’
Nɛ́ e ngɛ dee ngɛ sɔlemi we ɔ he ke, ‘A maa fia o sisi tomi ɔ ekohu’ ɔ.”+