Ʒinʒindoshimɛwawa nyi tajinu nywi ɖeka!

Yesu nu mɔ Kristotɔwo ɖo awa ʒinʒindoshimɛ. (Hlɛn Matie 28:19, 20.) Vɔ nyi ʒinʒindoshimɛwawa nyiɔ? Yí nyi mɛɖe ɖo awa gbɔxwe ale gbesɔsɔ nɔ ʒinʒindoshimɛwawaɔ?

1. Nyi ʒinʒindoshimɛwawa nyiɔ?

Grɛki nyɔgbe ci mɛ woɖe mɔ, “vyɔn” do shi mɛ, mɛ yí woɖe nyɔgbe “ʒin do shi mɛ” ti le. Hwenu Yesu wa ʒinʒindoshimɛɔ, woʒin do Ʒurdɛn tɔsasa lɔ mɛ vɛ pleŋ yɔ, eyi le yɛ goduɔ, “É to le eshi lɔ mɛ.” (Maki 1:9, 10) Ahanke nɔ Kristotɔ adodwiwo awa ʒinʒidoshimɛɔ, ʒin woʒinnɔ wo do shi mɛ alo vyɔnnɔ wo do shi mɛ yí woabu vɛ pleŋ.

2. Gɔnmɛsese ci yí le ʒinʒindoshimɛwawa nuɔ?

Nɔ mɛɖe wa ʒinʒindoshimɛɔ, édasɛ mɔ yesɔ yeɖeki jo nɔ Yehowa Mawu. Lé mɛɖe asɔ yiɖeki jo nɔ Mawu doɔ? Gbɔxwe mɛɖe awa ʒinʒindoshimɛɔ, ánu nɔ Yehowa le gbedoɖa mɛ yiɖekɛ mɔ, yeji mɔ yeasin keke asɔyi mavɔ. Áɖo gbe nɔ Yehowa mɔ yiɖekɛ kpaŋ yeasɛn yí edro yitɔ wawa yí anyi enutajitɔ nɔ ye le agbe mɛ. Ásɔ gbeta mɔ “yeagbe yeɖeki . . . yí akpɔtɔ akplɔkplɔ” Yesu nukplamuwo koɖo yi kpɔwɛ do. (Matie 16:24, NWT) Nɔ ésɔ yiɖeki jo nɔ Yehowa yí wa ʒinʒindoshimɛɔ, ecɛ ahun mɔ ni yí anyi xlɔ vevi koɖo Yehowa yí agbenyi xlɔ koɖo yi sɛntɔ kpɛtɛwo.

3. Nyi ele mɔ mɛɖe awa gbɔxwe atɛnŋ awa ʒinʒindoshimɛɔ?

Gbɔxwe àwa ʒinʒindoshimɛɔ, ele veviɖe mɔ àkpla nu so Yehowa nu yí agbeɖo xɔse sɛnŋ do nu. (Hlɛn Ebretɔwo 11:6.) Lé èmɔmɔŋje nu mɛ do koɖo lé ao xɔse sɛnkɔŋ doɔ, ahanke lé èlɔn Yehowa do agbesɛnkɔŋ doji nɛ. Kankandoji li hɛnnɛ mɔ, kpakpa asɔsɔ eo mɔ yeanu yi nyɔ nɔ mɛbuwo yí agbezɔnzɔn do yi sewo ji le agbe mɛ. (2 Timɔte 4:2; 1 Ʒan 5:3) Nɔ mɛɖe ‘zɔnnɔ do emɔ ci yí ahɛn bubu va nɔ Yehowa jiɔ,’ ásɔ gbeta mɔ yeasɔ yeɖeki jo nɔ Mawu yí awa ʒinʒindoshimɛ dru.—Kolosetɔwo 1:9, 10.a

JI DWI NI KPƆ DOJI

4. Mìakpla nu so ʒinʒindoshimɛ ci Yesu wa nu dru

Hlɛn Matie 3:13-17 keŋ akpla nubuwo doji so ʒinʒindoshimɛ ci Yesu wa nu. Yi godu nagbeje biɔse cɛwo mɛ:

• Hwenu Yesu nyi vihwɛ yí ewa ʒinʒidoshimɛa?

• Lé Yesu wa ʒinʒindoshimɛ doɔ? Wosɔ shi hlɛn do ta ni abi do shi ta ni kpoŋ yɔa?

Hwenu Yesu wa ʒinʒindoshimɛ ɖegbɔ yí etɔ sumɔsumɔdɔ vevi yitɔ lɔ wawa nɔ Mawu. Hlɛn Luiki 3:21-23 koɖo Ʒan 6:38, keŋ agbeje biɔse cɛ mɛ:

• Ci Yesu wa ʒinʒindoshimɛ ɖegbɔ ɖe, edɔ ci esɔ ɖo texwe ŋkɔtɔ le agbe mɛɔ?

5. Ʒinʒindoshimɛwawa nyi tajinu ci gbɔ àɖo dru

Amɛɖekisɔsɔna koɖo ʒinʒindoshimɛwawa tɛnŋ so jika nɔ eo doŋkɔ. Ele ahan gan, àyi ŋkɔ dru keke aje fini aje yí àvakpɔɛ mɔ, yeɖo kandoji hɔntɔn nɔ gbeta vevi cɛ sɔsɔ. Nɔ àkpɔ mɛɖewo ciwo yí wɛ ahan ɔ, xo VIDEO lɔ.

VIDEO: Exlɔnyinyi koɖo Yehowa (1:11)

Hlɛn Ʒan 17:3 koɖo Ʒaki 1:5, yí agbeje biɔse cɛ mɛ:

• Nyi yí akpedo mɛɖe nu yí ale gbesɔsɔ nɔ ʒinʒindoshimɛwawaɔ?

1. Nɔ mìsɔ mìwoɖekiwo na Yehowaɔ, mìnunuɔ ni mɔ mìji mɔ mìasin tɛgbɛɛ

2. Le ʒinʒindoshimɛ hwenuɔ, mìdanasɛ nɔ amowo mɔ mìsɔ mìwoɖekiwo na Mawu

6. Nɔ mìwa ʒinʒindoshimɛɔ, mìatrɔ Yehowa xomumɛtɔwo

Nɔ mìwa ʒinʒindoshimɛɔ, mìaɖo nɔviwo xomu gangan ɖeka mɛ. Xomu cɛ sɔ gbe ɖo ju le xexeɛ keŋkeŋ mɛ. Ci mìso texwe vovovo yí donɔ egbe vovovo can ɔ, jixɔse ɖekaŋmɛ yí le mì pleŋ shi yí mìwanɔ do agbenywinɔnɔse ɖekaŋmɛwo ji. Hlɛn Ehajiji Wema 25:14 koɖo 1 Piɛ 2:17, keŋ agbeje nyɔbiɔse ci yí gbɔgbɔ mɛ:

• Nɔ mɛɖe wa ʒinʒindoshimɛ ɖe, lé adra kacaca ci yí le yɛ koɖo Yehowa gblamɛ sɔ kpe nɔ kacaca ci yí le yɛ koɖo mɛbuwo gblamɛ doɔ?

ENU CI ÈKPLA

Yesu kpla nu mɔ Kristotɔwo ɖo awa ʒinʒindoshimɛ. Gbɔxwe mɛɖe aɖo tajinu cɛ gbɔɔ, éɖo aɖo xɔse sɛnŋ do Yehowa nu, áwanɔ do agbenywinɔnɔse Yitɔwo ji, yí asɔ yiɖeki jo ni.

Enumɛtoto

• Nyi ʒinʒindoshimɛwawa nyiɔ, yí nyi yí taɖo ele veviɖeɔ?

• Lé amɛɖekisɔsɔna koɖo ʒinʒindoshimɛ do nu nɔnɔ mɛ doɔ?

• Nyiwo mɛɖe ɖo awa gbɔxwe asɔ yiɖeki na keŋ awa ʒinʒindoshimɛɔ?

KPƆ ŊCƐWO KPƆ

Kpɔ enu ci ʒinʒindoshimɛ nyi koɖo enu ci yí denyi o.

“Nyi ʒinʒindoshimɛwawa nyiɔ?” (Àkpɔɛ le siti lɔ ji)

Kpɔ emɔ ciwo ji mɛɖe ato awa ŋkɔyiyi keŋ awa ʒinʒindoshimɛ.

“Enujeŋnamɛ koɖo lɔnlɔn nɔ Yehowa atɛnŋ acucu eo nawa ʒinʒindoshimɛ” (Jutakpɔxɔ mars 2020)

Kpɔ lé ŋsu ɖeka nɔ te do enu sugbɔ ji yí sɔ gbeta mɔ yeawa ʒinʒindoshimɛ yí denyi seselelanmɛ ɖekɛ ji ɖa.

“Woji mɔ nyɛŋtɔ le ji dwi kpɔ nɔ nyɔnɔnwi lɔ yí akando ji” (Jutakpɔxɔ 1^er février 2013)

Kpɔ enu ci yí taɖo ʒinʒindoshimɛwawa nyi gbeta nywi koɖo lé àwɛ adra do ni.

“Ŋɖo awa ʒinʒindoshimɛa?” (Les jeunes s’interrogent—Réponses pratiques, volume 2, eta 37)