126 ይሖዋ የጽዮንን ምርኮኞች መልሶ በሰበሰበ ጊዜ፣+

ሕልም የምናይ መስሎን ነበር።

14 ከሕዝቤ ከእስራኤል የተማረኩትን ሰዎች መልሼ እሰበስባለሁ፤+

እነሱም የወደሙትን ከተሞች መልሰው በመገንባት ይኖሩባቸዋል፤+

የወይን ተክል ተክለው የወይን ጠጁን ይጠጣሉ፤+

አትክልት ተክለው ፍሬውን ይበላሉ።’+

12 ያዕቆብ ሆይ፣ ሁላችሁንም በእርግጥ እሰበስባለሁ፤

ከእስራኤል የቀሩትን ያላንዳች ጥርጥር አንድ ላይ እሰበስባለሁ።+

በጉረኖ ውስጥ እንዳለ በግ፣

በግጦሽ መስክ ላይ እንዳለም መንጋ በአንድነት አኖራቸዋለሁ፤+

ቦታውም በሕዝብ ሁካታ ይሞላል።’+

10 የጽዮን ሴት ልጅ ሆይ፣ ልትወልድ እንደተቃረበች ሴት

ተንፈራገጪ፤ አቃስቺም፤

አሁን ከከተማ ወጥተሽ በሜዳ ትሰፍሪያለሽና።

እስከ ባቢሎን ድረስ ትሄጃለሽ፤+

በዚያም ይታደግሻል፤+

በዚያ ይሖዋ ከጠላቶችሽ እጅ ይዋጅሻል።+

20 በዚያን ጊዜ መልሼ አመጣችኋለሁ፤

አዎ፣ በዚያን ጊዜ እሰበስባችኋለሁ።

ተማርከው የተወሰዱባችሁን ሰዎች በፊታችሁ መልሼ በምሰበስብበት ጊዜ+

በምድር ሕዝቦች ሁሉ መካከል ዝና* እንድታተርፉና እንድትወደሱ አደርጋለሁና”+ ይላል ይሖዋ።