ኢሳይያስ
56 ይሖዋ እንዲህ ይላል፦
2 ይህን የሚያደርግ ሰው፣
ደግሞም ይህን አጥብቆ የሚይዝ፣
ሰንበትን የሚጠብቅና የማያረክስ፣+
እንዲሁም ከማንኛውም ዓይነት ክፋት እጁን የሚመልስ የሰው ልጅ ደስተኛ ነው።
ጃንደረባም ‘እነሆ፣ እኔ ደረቅ ዛፍ ነኝ’ አይበል።”
4 ይሖዋ እንዲህ ይላልና፦ “ሰንበቶቼን ለሚጠብቁ፣ ደስ የሚያሰኘኝን ነገር ለሚመርጡና ቃል ኪዳኔን አጥብቀው ለሚይዙ ጃንደረቦች፣
5 በቤቴና በቅጥሮቼ ውስጥ
ከወንዶችና ከሴቶች ልጆች የሚሻል ነገር፣
ይኸውም የመታሰቢያ ሐውልትና ስም እሰጣቸዋለሁ።
ለዘላለም የማይጠፋ ስም እሰጣቸዋለሁ።
6 እሱን ለማገልገል፣ የይሖዋን ስም ለመውደድና
የእሱ አገልጋዮች ለመሆን
ከይሖዋ ጋር የሚቆራኙትን የባዕድ አገር ሰዎች፣+
ሰንበትን የሚጠብቁትንና የማያረክሱትን፣
ቃል ኪዳኔንም አጥብቀው የሚይዙትን ሁሉ፣
በጸሎት ቤቴም ውስጥ እጅግ እንዲደሰቱ አደርጋቸዋለሁ።
የሚያቀርቧቸውም ሙሉ በሙሉ የሚቃጠሉ መባዎችና መሥዋዕቶች በመሠዊያዬ ላይ ተቀባይነት ያገኛሉ።
ቤቴም ለሕዝቦች ሁሉ የጸሎት ቤት ተብሎ ይጠራልና።”+
8 የተበተኑትን የእስራኤል ሰዎች የሚሰበስበው ሉዓላዊው ጌታ ይሖዋ+ እንዲህ ይላል፦
“አስቀድሞ ከተሰበሰቡት በተጨማሪ ሌሎችን ወደ እሱ እሰበስባለሁ።”+
10 ጠባቂዎቹ ዕውሮች ናቸው፤+ አንዳቸውም አላስተዋሉም።+
ሁሉም መናገር የማይችሉ ውሾች ናቸው፤ መጮኽ አይችሉም።+
ተጋድመው ያለከልካሉ፤ እንቅልፍም ይወዳሉ።
ማስተዋል የሌላቸው እረኞች ናቸው።+
ሁሉም በገዛ ራሳቸው መንገድ ሄደዋል፤
እያንዳንዳቸው አግባብ ያልሆነ ጥቅም ለማግኘት ይሻሉ፤ እንዲህም ይላሉ፦
ነገም እንደ ዛሬ ይሆናል፤ እንዲያውም በጣም የተሻለ ይሆናል።”