ወደ ላይ የመውጣት መዝሙር። የሰለሞን መዝሙር።
127 ይሖዋ ቤትን ካልገነባ፣
ግንበኞቹ የሚደክሙት በከንቱ ነው።+
ይሖዋ ከተማን ካልጠበቀ፣+
ጠባቂው ንቁ ሆኖ መጠበቁ ከንቱ ድካም ነው።
2 በማለዳ መነሳታችሁ፣
እስከ ምሽት ድረስ መሥራታችሁ፣
እንዲሁም የዕለት ጉርሳችሁን ለማግኘት መልፋታችሁ ከንቱ ነው፤
ምክንያቱም አምላክ የሚወዳቸውን ሰዎች ይንከባከባቸዋል፤ እንቅልፍም ይሰጣቸዋል።+
3 እነሆ፣ ልጆች ከይሖዋ የተገኙ ውርሻ ናቸው፤+
የማህፀንም ፍሬ ከእሱ የሚገኝ ስጦታ ነው።+
4 አንድ ሰው በወጣትነቱ የወለዳቸው ወንዶች ልጆች፣
በኃያል ሰው እጅ እንዳሉ ፍላጻዎች ናቸው።+
5 ኮሮጆውን በእነዚህ የሞላ ሰው ደስተኛ ነው።+
እነሱ ፈጽሞ አያፍሩም፤
በከተማዋ በር ከጠላቶቻቸው ጋር ይነጋገራሉና።