ኢዮብ

 2 ሰዎች የወሰን ምልክቶችን ይገፋሉ፤+

ነጥቀው የወሰዱትን መንጋ በራሳቸው መስክ ላይ ያሰማራሉ።

 3 አባት የሌላቸውን ልጆች አህያ እየነዱ ይወስዳሉ፤

የመበለቲቱንም በሬ መያዣ አድርገው ይወስዳሉ።+

 4 ድሃውን ከመንገድ ያስወጣሉ፤

በዚህ ጊዜ የምድሪቱ ምስኪኖች ከእነሱ ለመሸሸግ ይገደዳሉ።+

 5 ድሆች በምድረ በዳ እንዳሉ የዱር አህዮች፣+ ምግብ ፍለጋ ይራወጣሉ፤

በበረሃ ለልጆቻቸው ምግብ ይፈልጋሉ።

 6 ከሌላው ሰው እርሻ እህል* ለመሰብሰብ ይገደዳሉ፤

ከክፉውም ሰው የወይን እርሻ ይቃርማሉ።

 7 ያለልብስ ራቁታቸውን ያድራሉ፤+

ብርድ የሚከላከሉበት ልብስ የላቸውም።

 8 ከተራሮች በሚወርደው ዝናብ ይበሰብሳሉ፤

መጠለያ ስለማያገኙ ዓለት ያቅፋሉ።

 9 አባት የሌለው ልጅ ከእናቱ ጡት ላይ ተነጥቋል፤+

የድሃውም ልብስ በመያዣነት ተወስዷል፤+

10 ያለልብስ ራቁታቸውን ለመሄድ ይገደዳሉ፤

ተርበው እያሉም ነዶ ተሸክመው ይሄዳሉ።

11 በቀትር ሐሩር በእርከኖቹ መካከል ይለፋሉ፤*

የወይን መጭመቂያውን እየረገጡ እነሱ ግን ይጠማሉ።+

12 በሞት አፋፍ ላይ ያሉት በከተማዋ ውስጥ ያጣጥራሉ፤

ክፉኛም የቆሰሉት ሰዎች* እርዳታ ለማግኘት ይጮኻሉ፤+

አምላክ ግን ይህን በቸልታ ያልፋል።*

13 በብርሃን ላይ የሚያምፁ አሉ፤+

የብርሃኑን መንገድ አላወቁም፤

ጎዳናውንም አልተከተሉም።

14 ነፍሰ ገዳዩ ጎህ ሲቀድ ይነሳል፤

ምስኪኑንና ድሃውን ይገድላል፤+

በሌሊትም ይሰርቃል።

15 የአመንዝራ ዓይን ድንግዝግዝታን ይጠባበቃል፤+

‘ማንም አያየኝም!’ ይላል፤+

16 በጨለማ ቤት ሰብረው* ይገባሉ፤

ቀን ላይ ተሸሽገው ይውላሉ።

17 ለእነሱ ንጋት እንደ ድቅድቅ ጨለማ ነውና፤

ድቅድቅ ጨለማ የሚያስከትለውን ሽብር ያውቁታል።

19 ድርቁና ሐሩሩ የቀለጠውን በረዶ እንደሚያስወግደው፣

መቃብር* ኃጢአተኞችን ይነጥቃል!+

21 በመሃኒቱ ላይ ያደባል፤

መበለቲቱንም ይበድላል።

22 አምላክ* ኃይሉን ተጠቅሞ ብርቱ ሰዎችን ያጠፋል፤

ከፍ ከፍ ቢሉም ሕይወታቸው ዋስትና የለውም።

23 አምላክ* የመተማመን ስሜት እንዲያድርባቸውና ደህንነት እንዲሰማቸው ይፈቅዳል፤+

ይሁንና ዓይኑ በሚያደርጉት ነገር ሁሉ* ላይ ነው።+

ዝቅ ዝቅ ይደረጋሉ፤+ ደግሞም እንደ ማንኛውም ሰው ይሰበሰባሉ፤

እንደ እህል ዛላ ይቆረጣሉ።

25 እንግዲህ አሁን እኔን ውሸታም ሊያደርገኝ፣

ወይም ቃሌን ሊያስተባብል የሚችል ማን ነው?”