መዝሙር

142 ድምፄን አውጥቼ እርዳታ ለማግኘት ወደ ይሖዋ እጣራለሁ፤+

ሞገስ እንዲያሳየኝ ይሖዋን እማጸናለሁ።

 2 የሚያሳስበኝን ነገር በፊቱ አፈስሳለሁ፤

የውስጤን ጭንቀት በፊቱ እናገራለሁ፤+

 3 መንፈሴ* በውስጤ ሲዝል፣ እሱን እማጸናለሁ።

በምሄድበት መንገድ ላይ

በስውር ወጥመድ ዘረጉብኝ።

 4 ቀኝ እጄን ተመልከት፤

ስለ እኔ ግድ የሚሰጠው* ሰው እንደሌለ እይ።+

ሸሽቼ ማምለጥ የምችልበት ቦታ የለም፤+

ስለ እኔ* የሚያስብ ማንም የለም።

ደግሞም “አንተ መጠጊያዬ ነህ፤+

በሕያዋን ምድር ያለኸኝ አንተ ብቻ* ነህ” እላለሁ።

 6 መንፈሴ እጅግ ተደቁሷልና፣

እርዳታ ለማግኘት የማቀርበውን ልመና ስማ።

ከእኔ ይልቅ ብርቱ ስለሆኑ

ከሚያሳድዱኝ ሰዎች ታደገኝ።+

 7 ስምህን አወድስ ዘንድ

ከእስር ቤት አውጣኝ።*

ደግነት ስለምታሳየኝ

ጻድቃን በዙሪያዬ ይሰብሰቡ።