• በስጦታ ላገኘነው ሕይወት አድናቆት ይኑርህ
    ለዘላለም በደስታ ኑር!—አሳታፊ የመጽሐፍ ቅዱስ መማሪያ

    • 5. በማህፀን ውስጥ ላለ ፅንስ ሕይወት አክብሮት ይኑርህ

      ሆዷን እየደባበሰች ያለች እርጉዝ ሴት

      ዳዊት ይሖዋ በማህፀን ውስጥ ያለን ፅንስ ሕይወትና እድገት ትኩረት ሰጥቶ እንደሚመለከት ገልጿል። መዝሙር 139:13-17⁠ን አንብቡ፤ ከዚያም በሚከተለው ጥያቄ ላይ ተወያዩ፦

      • በይሖዋ አመለካከት የአንድ ሰው ሕይወት የሚጀምረው ሲፀነስ ነው ወይስ ሲወለድ?

      ይሖዋ ለጥንቶቹ እስራኤላውያን የሰጠው ሕግ ለእናቶችና በማህፀን ውስጥ ላሉ ልጆች ጥበቃ ያደርግ ነበር። ዘፀአት 21:22, 23, 25⁠ን አንብቡ፤ ከዚያም በሚከተሉት ጥያቄዎች ላይ ተወያዩ፦

      • ይሖዋ ሳያስበው በማህፀን ውስጥ ያለን ፅንስ ሕይወት ላጠፋ ሰው ምን አመለካከት አለው?

      • ሆን ብሎ እንዲህ ለሚያደርግ ሰው ምን አመለካከት የሚኖረው ይመስልሃል?b

      • አምላክ ከዚህ ጋር በተያያዘ ስላለው አመለካከት ምን ይሰማሃል?

      ቪዲዮውን ተመልከቱ።

      ቪዲዮ፦ ልክ እንደ አምላክ ለሕይወት ከፍተኛ ዋጋ መስጠት (5:00)

      ለሕይወት ከፍተኛ አክብሮት ያላት ሴትም እንኳ ውርጃ ከመፈጸም ውጭ ሌላ ምንም አማራጭ እንደሌላት ሊሰማት ይችላል። ኢሳይያስ 41:10⁠ን አንብቡ፤ ከዚያም በሚከተሉት ጥያቄዎች ላይ ተወያዩ፦

      • አንዲት ሴት ውርጃ እንድትፈጽም ጫና በሚደረግባት ጊዜ ማን ሊረዳት ይችላል? እንዲህ ብለህ የመለስከው ለምንድን ነው?