ይሁን እንጂ የወላጅነትን ሥልጣን የሚያመለክተው “የተግሣጽ በትር” ከመጠን ያለፈ መሆን የለበትም።b (ምሳሌ 22:​15፤ 29:​15) መጽሐፍ ቅዱስ ወላጆችን ሲያስጠነቅቅ “ተስፋ እንዳይቆርጡ ልጆቻችሁን በቁጣ አታስመርሩአቸው” ይላል። (ቆላስይስ 3:​21 የ1980 ትርጉም) በተጨማሪም አካላዊ ቅጣት መስጠት አብዛኛውን ጊዜ በጣም ውጤታማ የሆነ የማስተማር ዘዴ እንዳልሆነ ይናገራል። ምሳሌ 17:​10 (የ1980 ትርጉም) “ሰነፍ መቶ ጊዜ ተገርፎ ከሚማረው ይልቅ አስተዋይ ሰው ከአንድ ጊዜ በማይበልጥ ተግሣጽ የሚማረው ይበልጣል” ይላል። በተጨማሪም መጽሐፍ ቅዱስ ጥፋት ከመፈጸሙ በፊት የመከላከያ ዲስፕሊን መስጠት አስፈላጊ እንደሆነ ይናገራል። በዘዳግም 11:​19 ላይ ወላጆች ሌሎች ነገሮችን በሚያደርጉባቸው ጊዜያት ሳይቀር በልጆቻቸው ውስጥ መልካም ሥነ ምግባር እንዲቀርጹ ይመክራል።​—⁠በተጨማሪም ዘዳግም 6:​6, 7ን ተመልከት።