12. (ሀ) ዳንኤል ስለ አዲሱ ሕግ እንዳወቀ ወዲያውኑ ምን አደረገ? (ለ) ዳንኤልን እነማን ይመለከቱት ነበር? ለምንስ?

¹² ብዙም ሳይቆይ ዳንኤልም ጸሎትን የሚከለክል ሕግ መውጣቱን አወቀ። ወዲያውም ወደ ቤቱ ሄዶ በኢየሩሳሌም አንጻር መስኮቶቹ ወደ ተከፈቱት በቤቱ አናት ላይ ወደሚገኘው ክፍል ገባ።b በዚያም ዳንኤል ‘ቀድሞ ያደርገው እንደ ነበር’ ወደ አምላክ መጸለይ ጀመረ። ዳንኤል ብቻውን እንደሆነ አስቦ ሊሆን ይችላል። ይሁን እንጂ ያሴሩበት ሰዎች እየተመለከቱት ነበር። በድንገት ‘ስብስብ’ ብለው መጡ። በዚህ ጊዜም ወደ ዳርዮስ በቀረቡ ጊዜ የነበራቸው ዓይነት ሁኔታ እንዳሳዩ ምንም አያጠራጥርም። አሁን ዳንኤል “በአምላኩ ፊት ሲጸልይና ሲለምን” በገዛ ዓይናቸው ተመልክተውታል። (ዳንኤል 6:10, 11) የመንግሥቱ አለቆችና መሳፍንቱ ዳንኤልን በንጉሡ ፊት ለመክሰስ የሚያስችላቸው በቂ ማስረጃ አገኙ።