እንዲህ አለ፦ “መንፈሳዊ ነገሮችን የተጠሙ ደስተኞች ናቸው፤ መንግሥተ ሰማያት የእነሱ ነውና። የሚያዝኑ ደስተኞች ናቸው፤ መጽናኛ ያገኛሉና። . . . ጽድቅን የሚራቡና የሚጠሙ ደስተኞች ናቸው፤ ይጠግባሉና። . . . ለጽድቅ ሲሉ ስደት የሚደርስባቸው ደስተኞች ናቸው፤ መንግሥተ ሰማያት የእነሱ ነውና። በእኔ ምክንያት ሰዎች ሲነቅፏችሁ፣ ስደት ሲያደርሱባችሁ . . . ደስተኞች ናችሁ። . . . ሐሴት አድርጉ፤ በደስታም ፈንጥዙ።”—ማቴዎስ 5:3-12

ኢየሱስ እውነተኛ ደስታ የሚኖራቸው መንፈሳዊ ነገር እንደሚያስፈልጋቸው የሚታወቃቸው፣ ኃጢአተኛ በመሆናቸው ያዘኑ እንዲሁም አምላክን አውቀው እሱን ማገልገል የጀመሩ ሰዎች እንደሆኑ አመልክቷል። እንደነዚህ ያሉት ሰዎች የአምላክን ፈቃድ በማድረጋቸው ቢጠሉ ወይም ቢሰደዱም እንኳ አምላክን እንደሚያስደስቱና እሱ የዘላለም ሕይወት ሽልማት እንደሚሰጣቸው ስለሚያውቁ ደስተኞች ናቸው።