ኢየሱስ እንዲህ ብሏል፦ “እንግዲያው እናንተ በዚህ መንገድ ጸልዩ፦ ‘በሰማያት የምትኖር አባታችን፣ ስምህ ይቀደስ። መንግሥትህ ይምጣ። ፈቃድህ በሰማይ እየሆነ እንዳለ ሁሉ በምድርም ላይ ይሁን። የዕለቱን ምግባችንን ዛሬ ስጠን፣ የበደሉንን ይቅር እንዳልን በደላችንን ይቅር በለን። ከክፉው አድነን እንጂ ወደ ፈተና አታግባን።’”​—ማቴዎስ 6:9-13

“የዕለቱን ምግባችንን ዛሬ ስጠን።” ኢየሱስ ለአምላክ ስምና መንግሥት ቅድሚያ ከሰጠ በኋላ የሚያስፈልጉንን ነገሮች ቀጥሎ ጠቅሷል። ኢየሱስ የተናገራቸው ቃላት ‘ለዛሬ’ ከሚያስፈልገን አልፈን ብዙ ነገሮችን ለማግኘት ጥረት ከማድረግ መቆጠብ እንዳለብን ይጠቁማሉ። በ⁠ምሳሌ 30:8 ላይ የሚገኘውን ሐሳብ ልብ ማለት ይኖርብናል፤ ጥቅሱ “ድኽነትንም ሆነ ብልጽግናን አትስጠኝ፤ ብቻ የዕለት እንጀራዬን ስጠኝ” ይላል።